Fjalori

Rezultate në përkufizime për “hijeshuar”

Mëso si ta përdorësh
<<< Kthehu te kërkimi kryesor në fjalor

DONATISUR

DONATÍSUR (i, e) mb., etnogr. 1. Që është pajisur me pajë, që është i pajuar.
2. I zbukuruar, i stolisur, i ormisur; i hijeshuar. Ç’kaq e donatisur si nuse?
✱Sin.: i pajuar, i stolisur, i ormisur, i zbukuruar, i lezetisur.

HIJESHOHEM

►HIJESH/ÓHEM jovep.,~ÓVA (u), ~ÚAR 1. vetv. Marr pamje të hijshme, bëhem i hijshëm, zbukurohem. Hijeshohet dita-ditës. Është hijeshuar e zbukuruar.
2. pës., vet. v. III e HIJESHÓJ.
✱Sin.: zbukurohem, lezetohem.

HIJESHUAR

HIJESHÚAR (i, e) mb. 1. Që ka marrë pamje të hijshme; i zbukuruar. Vend i hijeshuar. Vajzë e hijeshuar.
2. fig. Që është zbukuruar për të fshehur të vërtetën.
✱Sin.: i hijshëm, i zbukuruar.

HIJESUAR

HIJESÚAR (i, e) mb. 1. Që është hijesuar; që është mbuluar për të krijuar hije.
2. fig. I zbukuruar; i hijeshuar.
✱Sin.: i zbukuruar, i dritësuar, i lezetuar.

LEZETOSUR

LEZETÓSUR (i, e) mb. Që është lezetosur, që është bërë e shijshme, që është ndrequr.
✱Sin.: i zbukuruar, i hijeshuar, i ndrequr.

LEZETUAR

LEZETÚAR (i, e) mb. Që është bërë i shijshëm, që është lezetuar; i hijeshuar. Gjellë e lezetuar.
✱Sin.: i shijshëm, i lezetosur, e hijeshuar.

LULËZUAR

LULËZÚAR (i, e) mb. 1. Që ka çelur lule; që ka nxjerrë lule (për bimët); kund. i çlulëzuar. Pemë e lulëzuar. Bli i lulëzuar.
2. Që është mbushur me lule e ka hijeshi. Fusha (livadhe) të lulëzuara. Kopsht i lulëzuar.
3. fig. Që është bërë i bukur, i hijeshuar, i zbukuruar. Jetë e lulëzuar. Ditë të lulëzuara. E ardhmja e lulëzuar.
4. Që i ka ikur mendja, që nuk është mirë mentalist. Atij djali mos ia zini për të madhe, ai është i lulëzuar nga mendja.
✱Sin.: i çelur, i shpërthyer, i hijeshuar, i lulëzueshëm, i hapur, i bukur, i zbukuruar, i zhvilluar, i përparuar, i çmendur.

PAHIJESHUAR

PAHIJESHÚAR (i, e) mb. Që nuk është i hijeshuar; që nuk është hijeshuar, i pazbukuruar; kund. i hijeshuar.

QËNDISUR

QËNDÍSUR (i, e) mb. 1. Që është qëndisur; i thurur. Fustan i qëndisur. Jastëkë të qëndisur. Mbulesë e qëndisur. Jelek i qëndisur me ar.
2. I zbukuruar, i hijeshuar. Ma jep atë shaminë e qëndisur.
3. I shkruar bukur e me kujdes. Letër e qëndisur.
✱Sin.: i zbukuruar, i stolisur.

YLLTUAR

YLLTÚAR (i, e) mb. Që është ylltuar, i yllësuar. Natë e ylltuar.
✱Sin.: i yllësuar, i yllëzuar, i hijeshuar, i zbukuruar, i ndriçuar, i dritësuar, i drituar, i dritësuar, i diellzuar, i dielluar.

ZBUKURUAR

ZBUKURÚAR (i, e) mb. 1. Që është bërë më i bukur me sende, stoli a mënyra të ndryshme; që është zbukuruar; i stolisur. Qytet i zbukuruar. Dhomë (sallë) e zbukuruar. Nuse e zbukuruar. Kapaku metalik i zbukuruar. Riprodhohet i zbukuruar artistikisht. Hark i zbukuruar me dy rozeta. Shirit i zbukuruar me gurë të çmuar. Jelek nusesh i zbukuruar me xhingla. Bredh i zbukuruar në mënyrë festive. N'ato oda t'zbukurueme, / Ka hy dhandri si azgan. (folk.).
2. Që është bërë me tërheqës, që është pasuruar me elemente më shprehëse, që është limuar e latuar; keq. tepër i stërholluar (për gjuhën, për stilin etj.). Gjuhë e zbukuruar. Poezi e zbukuruar. Ka stil të zbukuruar. Arti u bë më i rafinuar e më i zbukuruar.
3. fig. Që paraqitet në një pamje më të bukur nga ç'është, që zbukurohet qëllimisht për të fshehur të metat a gabimet që ka; i idealizuar. Gjendje e zbukuruar. Realitet i zbukuruar jashtë mase. E paraqiti të zbukuruar. Skena të zbukuruara. Ishte thjesht një mashtrim i zbukuruar.
✱Sin.: i stolisur, i hijeshuar, i lulëzuar, i rregulluar, i ndrequr, i nisur, i ujdisur, i goditur, i pispillosur, i ormisur, i teletisur, i bojatisur, i qëndisur, i idealizuar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë