Fjalori

Rezultate në përkufizime për “hidhe”

Mëso si ta përdorësh
<<< Kthehu te kërkimi kryesor në fjalor

BISHTGËRSHËRË

BISHTGËRSHËRË mb. Që e ka bishtin të ndarë më dysh si gërshërë; bishtçatall. Dallëndyshe bishtgërshërë, / Na këtë gajtan të gjerë, / Edhe hidhe ti në det, / Na sill bukë edhe shëndet. (folk.).

GJETKË

GJÉTKË ndajf. Gjetiu. Kudo gjetkë. Diku gjetkë. E kishte mendjen gjetkë. Hidhe gjetkë!
✱Sin.: gjetiu, tjetërkund, tjetërkah.
♦ Gjetkë *daullet e gjetkë dasma. I kullot *mendja (gjetkë) (dikujt). Rreh (vret) gjetkë (dikush) flet me nënkuptime, e ka fjalën për tjetër gjë, tjetër thotë e tjetër mendon; synon diçka tjetër; i bie derës të dëgjojë qilari.

ZHDRIDHEM

►ZHDRÍDHEM jovep., ZHDRÓDHA (u), ZHDRÉDHUR 1. vetv., vet. v. III Shthuret, shprishet vetë (për diçka të thurur a të dredhur); shpërdridhet. Litari u zhdrodh.
2. vetv. Kthehem menjëherë mbrapsht ose në një anë tjetër. Ai shkon duke u zhdredhur derisa humbet nga sytë e tyre. Zhdridhet e përdridhet. (fj. u).
3. fig., vetv., vet. v. III Prishet, merr një drejtim tjetër. Puna u zhdrodh keq. Dredha do të zhdridhet, rrjedha do të rrjedhë. (fj. u). Për darsëm vallen hidhe e hidhe, po mos e përdridh, se zhdridhet. (fj. u).
4. pës., vet. v. III e ZHDREDH.
✱Sin.: shprishet, shthuret, çmbështillet, kthehet, ndryshohet.

ZHEZHITË

ZHEZHÍT/Ë,~A f. Zhezhi, ciknë, rreshk. Fundi i kusisë ka zënë zhezhitë. Kruaj tenxheren dhe hidhe zhezhitën.

ÇOPEJKË

ÇOPÉJK/Ë,~A f. sh. ~A, ~AT Shkop i shkurtër që e përdorin fëmijët për të luajtur. Hidhe çopejkën. Ma jep çopejkën.

ÇUPË

ÇÚP/Ë,~A f. sh. ~A, ~AT 1. Vajzë deri në moshën e pjekurisë, gocë. Çupë e vogël. Çupë e mirë (e zgjuar, e bukur). Çupat e fshatit. Lindi çupë. Qëndisma s’është vetëm punë çupash.
2. Fëmijë vajzë kundrejt prindit të vet, bijë. Martoi çupën. U bë me dy çupa. Shkoi të rrinte te çupa. Dy çupat e saj ishin të bukura.
3. Vajzë që i ka kaluar mosha e s’është martuar. Çupë e mbetur lëneshë. Më ka mbetur çupa në derë.
4. Letër bixhozi me figurën e një mbretëreshe; damë. Çupa maç (spathi). Hidhe çupën. I ra çupa. Ke tri çupa në dorë.
✱Sin.: vajzë, gocë, bijë, vashë, damë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë