Fjalori

Rezultate në përkufizime për “hetuesi”

Mëso si ta përdorësh
<<< Kthehu te kërkimi kryesor në fjalor

HETUES

HETÚES,~I m. sh. ~, ~IT drejt. 1. Ai që kërkon të gjejë a të zbulojë diçka duke u nisur nga disa të dhëna paraprake, ai që shqyrton diçka sipas të dhënave që njeh dhe i plotëson këto me të dhëna të tjera për ta sqaruar punën më tej, ai që bën hetimin e diçkaje.
2. drejt. Punonjësi a specialist që merret me shqyrtimin e rrethanave në të cilat është kryer një krim ose një kundërvajtje penale; gjyqtar që merret me hetimin e një çështjeje gjyqësore. Puna (detyra) e hetuesit. Hetuesi i çështjeve penale.
✱Sin.: shqyrtues, vëzhgues, gjurmues, hulumtues.

HETUESI

HETUESÍ,~A f. sh. ~, ~TË drejt. Organ shtetëror që merret me shqyrtimin e rrethanave në të cilat është kryer një krim ose një kundërvajtje penale; zyra e këtij organi. Organet e hetuesisë. Veprimet e hetuesisë. E ndjek hetuesia. E çoi (e thirrën) në hetuesi. Është në hetuesi. U kthye nga hetuesia.

KALLËZOJ

KALLËZ/OJ vep., ~OVA, ~UAR 1. let. Tregoj një përrallë, një histori a një ngjarje etj. Kallëzon gjyshi një përrallë.
2. I tregoj dikujt diçka që di, që kam parë me sytë e mi dhe nuk e dinë të tjerët. I tregoj gjyshit (nënës) atë çfarë tha nipi.
3. drejt. Padit, denoncoj dikë në hetuesi, në polici etj.; dëshmoj për një akt penal a për një krim. E kallëzoi në polici (në hetuesi, në prokurori). Kallëzoi i ati të birin.
✱Sin.: tregoj, rrëfej, denoncoj, padit.
♦ Ia kallëzoi (ia tregoi, ia rrëfeu, ia ujdisi) *qejfin (dikujt).

PYETËSI

PYETËSÍ,~A f., drejt., vjet. Hetuesi. E çuan në pyetësi.

SYHAPËT

SYHÁPËT mb. Që është gjithnjë i vëmendshëm, i ndjek me kujdes ato që ndodhin rreth tij, që nuk e lë veten të kapet në befasi a të mashtrohet; vigjilent; kund. sylesh. Duhet të jemi syhapët! Hetuesi syhapur e kuptoi dredhinë.

SYKUÇEDËR

SYKUÇÉDËR mb. 1. Që s'i bën syri tërr. Ishte i vendosur dhe sykulshedër.
2. Që është i pamëshirshëm. U bë lider sykuçedër. Hetuesi ishte sykuçedër.
3. Gjakatar i pangishëm. U bë vrasës sykuçedër. Sundimtarin sykuçedër e kishin frikë.
✱Sin.: i patrembur, i rreptë, i egër.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë