Fjalori

Rezultate në përkufizime për “hetimor”

Mëso si ta përdorësh
<<< Kthehu te kërkimi kryesor në fjalor

HETIMOR

HETIMÓR,~E mb., drejt. Që ka të bëjë me hetimin e rrethanave në të cilat kryhet një vepër kriminale ose një kundërvajtje penale; që merret me hetimin e një vepre penale. Veprim (akt) hetimor. Pyetje hetimore. Procesi hetimor. Metodat hetimore. Komisioni (grupi) hetimor. Organet hetimore. Nga ana hetimore.
✱Sin.: vëzhgues, gjurmues, hulumtues.

INVESTIGATIV

INVESTIGATÍV,~E mb. 1. Që është i interesuar për të hetuar diçka; hetimor.
2. pub. Që kërkon intensivisht të nxjerrë në dritë sa më qartë keqpërdorimet, korrupsionin, dështimin e drejtësisë etj. Gazetari investigative. Emision investigativ.

KOMISION

KOMISIÓN,~II m. sh. ~E, ~ET zyrt. 1. Organ shtetëror e profesional i përbërë nga një numër i caktuar njerëzish të emëruar ose të zgjedhur, për të kryer detyra të posaçme (në parlament, në qeveri etj.). Komisioni i Venecias. Komision hetimor. Komisioni i ekonomisë. Komisioni Qendror i Zgjedhjeve (KQZ). Komisioni i zgjerimit të BE-së. Komisioni i rithemelimit të partisë. Komisioni evropian institucioni ekzekutiv dhe i pavarur në Bashkimin Evropian, i përbërë nga komisionerë për çdo shtet anëtar të këtij Bashkimi.
2. Organ i përkohshëm i përbërë nga mësues, pedagogë a profesorë në provimet e nxënësve, të studentëve të një universiteti a të një shkolle të lartë etj. Kryetar (anëtar) i komisionit. Komision kualifikimi.

MOSNGRITJE

MOSNGRÍTJ/E,~A f. Situatë në të cilën nuk e ngre diçka; pamundësi ose kundërshtim për të ngritur diçka; kund. ngritje. Mosngritja e komisionit hetimor.

PANDIKUESHËM

PANDIKÚESH/ËM (i), ~ME (e) mb. Që nuk është i ndikueshëm; që nuk mund të ndikohet nga dikush a nga diçka; kund. i ndikueshëm. Komision hetimor i pandikueshëm.

RAPORT

RAPÓRT,~IІ m. sh. ~E, ~ET 1. Kumtim a parashtresë me shkrim që i bëhet një organi më të lartë a epror ose një përgjegjësi për plotësimin e një detyre, për një çështje ose për gjendjen e një pune; llogari që jepet për një punë a për një detyrë, raportim; relacion. Raport ditor (javor, vjetor). Raport i hollësishëm (i imët). Raport zyrtar. Raport hetimor. Raport me shkrim (me gojë). I bëri një raport. I paraqiti një raport.
2. Dëshmi me shkrim që i lëshohet një të sëmuri nga mjeku kur është i paaftë për punë. Raport mjekësor. Raport pushimi. I dha (i nxori) një raport. Marr raport. Është me raport (bised.) është me pushim për shkak të një sëmundjeje.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë