Fjalori

Rezultate në përkufizime për “hesë”

Mëso si ta përdorësh
<<< Kthehu te kërkimi kryesor në fjalor

GJEFKË

GJÉFK/Ë,~A f. sh. ~A, ~AT Gjethe misri të thata që përdoret si hesë për bagëtinë.

HASHTULLË

HÁSHTULL/Ë,~A f. sh. ~A, ~AT krahin. Arë e mbjellë me bimë që shërbejnë si ushqim dimri për bagëtitë; hesë dimri për kafshët. Hashtullë për bagëtinë.
✱Sin.: hesë, haje, zahire.

NGRËNIE

NGRË́NI/E,~A f. sh. ~E, ~ET 1. vet. nj. Veprimi kur ha ose kur hahet diçka, të ngrënët. Ngrënia e drekës (e darkës). Dhoma (tryeza) e ngrënies. Koha (ora) e ngrënies. Para (pas) ngrënies. Ngrënia vakt e pa vakt.
2. bised. Gjë që shërben për t’u ngrënë, ushqim. Në festë kishte ngrënie e pirje. Sigurimi i ngrënies së bagëtive duhet bërë pa ardhur dimri.
✱Sin.: e ngrënë, të ngrënë, hamje, haje, ushqim, hesë, kafshim, gërryerje, kruajtje.

NGULEC

NGULÉC ndajf., krahin. Ngushtë, nevojshëm, pa mundësi veprimi; keq, meshëm. Mbeta ngulec për hesë për bagëtinë atë vit.
✱Sin.: ngushtë, nevojshëm, keq, meshëm, pykë, ngelë, pingalë.

USHQIM

USHQÍM,~I m. sh. ~E, ~ET 1. vet. nj. Veprimi kur ushqej dikë ose kur ushqehet dikush. Ushqimi i rregullt. Ushqimi i fëmijës. Ushqimi i të sëmurit. Ushqimi i bagëtisë (i shpendëve). Ushqimi me gjak. Ushqimi me energji. Ushqimi me dru (me qymyr). Regjimi i ushqimit. Nuk vlen (nuk bën) për ushqim.
2. Gjithçka që hanë njerëzit a kafshët dhe që mund të përpunohet e të përvetësohet nga organizmi. Ushqim i thatë (i lëngshëm). Ushqim i mirë (i zgjedhur, i përshtatshëm). Ushqim i freskët (i prishur). Ushqim i bollshëm (i paktë, i pamjaftueshëm). Ushqime të pasura. Ushqim i gatshëm (gjysmë i gatshëm). Ushqim i konservuar. Ushqim i përpunuar (i papërpunuar). Ushqime bimore (shtazore). Ushqim natyror. Ushqim plotësues. Ushqim i njomë (i gjelbër) (bujq.) bar i njomë ose bimë të tjera të njoma që i jepen bagëtisë. Ushqim i thatë (i trashë, i ashpër) (bujq.) bari ose jonxha e thatë, kashta e të lashtave etj. që i jepen bagëtisë. Ushqim për kafshë. Aparati i tretjes së ushqimit. Përgatit ushqimin. Ziej ushqimin. Ha ushqim. Përtyp ushqimin. Tret ushqimin. Gjej (siguroj) ushqimin.
3. vet. sh. Sendet e ndryshme të përpunuara (oriz, sheqer, makarona, fasule, vaj etj.), që i blejmë në treg për t’u ushqyer. Dyqan ushqimesh. Çantë ushqimesh. Blej (marr) ushqimet.
4. Lënda ushqyese që përmban një send dhe që përvetësohet nga organizmi. Mjalti ka shumë ushqim. Nuk përmban asnjë lloj ushqimi.
5. Tërësia e lëndëve joorganike që ndodhen në tokë, të cilat thithen dhe përpunohen nga bimët. Bima thith ushqimin nga toka.
6. spec. Gjithçka me të cilën punon ose që e përpunon një makinë a një pajisje ose gjithçka që përpunohet prej tyre; energjia e nevojshme që vë në lëvizje diçka. Ushqimi i radios (i aparatit). Skema e ushqimit. I jep ushqim. Çon ushqim. Ndërpres ushqimin.
7. fig. Ajo që shërben për edukimin dhe për brumosjen ideologjike e shpirtërore të njeriut. Ushqim shpirtëror. Ushqim për mendjen. Shtypi është ushqim i përditshëm. Librat janë ushqim për të gjithë.
8. fig. Ajo që jep shkas të zhvillohet a të përhapet diçka, burimi që ushqen diçka. Ushqim për thashethemet. I jep ushqim për diçka.
✱Sin.: haje, hamje, ngrënie, e ngrënë, bukë, shujtim, mëndje, tajitje, qeveri, hesë, ngjëratë, çek, mbajtje, grazhd, kullotë, mëngojë, edukim, mëkim, rritje, ndjellëse, vagjëli, llurbë, lluburdire, mjet, gatesa, të ngrëna, ngrënie, zahire, nozull, nozullime.

VAGJËLI

VAGJËLÍ,~A f., bised. 1. Ushqim i zgjedhur që i jepet zakonisht të sëmurit për ta mbajtur mirë, për ta marrë veten; dietë, kurë, mbajë. I sëmuri (plaku) do vagjëli. E ushqeu mirë me vagjëli.
2. Ushqim i të miturve para gjumit. Fëmija do vagjëli para se të flejë.
3. Hesë e kafshëve shtëpiake. Vagjëli për bagëti.

ÇAVARR

ÇAVÁRR,~I m., arb. Miell dhe bar i grirë për bagëtinë; hesë.
✱Sin.: hesë, haje, zahire.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë