Fjalori

Rezultate në përkufizime për “heroinë”

Mëso si ta përdorësh
<<< Kthehu te kërkimi kryesor në fjalor

ANTIHEROINË

ANTIHEROÍN/Ë,~A f. sh. ~A, ~AT let. Heroinë negative në romanin klasik, që ka tipare shpesh të kundërta me atë të një heroi apo që nuk përfaqëson vlera heroike, si guximi, ndershmëria, vetëmohimi etj.; kundërheroinë; kund. heroinë.

BASHKËPROTAGONISTE

BASHKËPROTAGONÍST/E,~JA f. sh. ~E, ~ET 1. let. Ajo që bashkë me një tjetër është personazh kryesor a heroinë e një vepre. Bashkëprotagonist i romanit të ri.
2. kinem., teatër. Aktore që bashkë me një tjetër luan rolin kryesor në një pjesë teatrore ose në një film. Bashkëprotagonistë në skenat më të vështira.

HEROINË

HEROÍN/Ë,~AI f. sh. ~A, ~AT 1. Ajo që ka kryer një vepër të lartë trimërie e vetëmohimi në të mirë të kombit, të popullit dhe të atdheut; që është e vlerësuar për guximin, devotshmërinë e lartë në kryerjen e një vepre a detyre. Heroina shqiptare. Heroinë e demokracisë. Nënë heroinë. Nënë Tereza heroina e dhimbjes dhe dashurisë njerëzore.
2. Ajo që është e admirueshme për arritje të mëdha në një fushë të caktuar të dijes a të shkencës ose për ndihmesën e jashtëzakonshme që jep në jetë ose në një drejtim të saj. Nënat shqiptare janë heroina, që nuk kërkojnë asgjë dhe japin gjithçka.
3. let. Protagoniste kryesore në një legjendë, në një gojëdhënë, në një rrëfim, në një roman, në një tregim, në një vepër dramatike a në një film, që zotëron tipare të veçanta të kurajës ose forcës së madhe. Heroina e veprës së Kadaresë. Heroina e romanit të suksesshëm “Demokracia”.
✱Sin.: trime, kreshnike, protagoniste, fitimtare, mundëse, gjysmëperëndeshë.

HEROINË

HEROÍN/Ë,~AII f. Pluhur i bardhë kristalor, me veti qetësuese e gjumëdhënëse, që prodhohet nga bima e opiumit (hashashit) dhe që shkakton varësi psikike. Përdorin (marrin) heroinë. U helmua nga heroina.

NARKOTIK

NARKOTÍK,~E mb. 1. Që përmban lëndë të tilla si opiumi me përbërësit i tij morfinë, kodeinë dhe heroinë, të cilët përdoren në mjekësi për kontrollin e dhimbjeve të forta gjatë operacioneve, në sëmundje të rënda etj. Lëndë narkotike. Bimë narkotike. Substancat narkotike.
2. Që vepron mbi sistemin nervor dhe e vë njeriun në gjumë, që shkakton një lloj deliri të fuqishëm, depresion apo efekte të tjera jonormale. Ka veti narkotike.

NARKOTIZOHEM

►NARKOTIZ/ÓHEM jovep., ~ÓVA (u), ~ÚAR 1. vetv. Kaloj në gjendje helmimi të përgjithshëm të sistemit nervor nga përdorimi i vazhdueshëm i narkotikëve; drogohem. Ishte narkotizuar me heroinë. Pacienti ishte narkotizuar me morfinë e nuk ndiente dhimbje.
2. vetv. Më shkaktohet gjendje deliri a halucinacione për shkak të substancave narkotike. U narkotizua nga pijet në festë.
3. pës. e NARKOTIZÓJ.
✱Sin.: drogohem, trullosem.

TOKSIKOFILI

TOKSIKOFILÍ,~A f., mjek. Etje a prirje e sëmurë për barna helmuese, për droga (opium, kokainë, heroinë etj.); toksikomani.

TOKSIKOMANI

TOKSIKOMANÍ,~A f., mjek. Gjendje ku individi ka një nevojë të pakontrollueshme për të përdorur lëndë që shkaktojnë varësi (opium, kokainë, heroinë etj.), shpesh duke dëmtuar shëndetin fizik, mendor dhe marrëdhëniet shoqërore.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë