Fjalori

Rezultate në përkufizime për “hermetik”

Mëso si ta përdorësh
<<< Kthehu te kërkimi kryesor në fjalor

BUNKERIZUAR

BUNKERIZÚAR (i, e) mb. 1. usht. Që është i mbushur me bunkerë; i mbrojtur me bunkerë. Vend i bunkerizuar. Burg i rrethuar e i bunkerizuar.
2. fig., keq. Shumë i mbyllur, hermetik. Njeri i bunkerizuar. Parti e bunkerizuar. Jeton i bunkerizuar.

HALVETI

HALVETÍ,~U m. sh. ~ÍNJ, ~ÍNJTË 1. Tarikat sufist; emërtim i një urdhri fetar mysliman hermetik, që e kërkon afrimin me Zotin përmes vetmisë, heshtjes dhe përqendrimit shpirtëror, duke synuar pastrimin e shpirtit dhe arritjen e ndriçimit të brendshëm. Halveti është një ndër urdhrat më të vjetër dhe më me ndikim të mistikës islame në Ballkan.

2. Pasuesi i këtij sekti (në vendet ku vepron); ndjekësit e rrugës shpirtërore. Sekti i halvetinjve. Halvetinjtë njiheshin për disiplinën e rreptë shpirtërore.

3. si mb. Sipas kuptimeve të emrit. Dervish halveti dervish që ndjek këtë traditë mistike. Teqe halveti teqe që i përket këtij urdhri.

HERMETIK

HERMETÍK,~E mb., libr. 1. I mbyllur mirë, që nuk lejon aspak të kalojë ajri ose diçka tjetër; i padepërtueshëm (për enë, dhoma etj.). Enë hermetike. Kazan hermetik. Derë (dhomë) hermetike. Mbyllje hermetike.
2. fig. Që nuk merret vesh se çfarë shpreh, që ka një gjuhë shumë të vështirë ose ide e figura shumë të errëta e të pakuptueshme, që është i paqartë dhe shumë i vështirë për t'u kuptuar; që nuk e zbulon veten, që s'e kupton dot ç'ka, i mbyllur. Letërsi hermetike. Vepër (poezi) hermetike. Varg hermetik. Njeri hermetik.
✱Sin.: i mbyllur, i padepërtueshëm, i pakuptueshëm, i vështirë.

HERMETIZOHET

►HERMETIZ/ÓHET jovep., ~ÚA (u), ~ÚAR vet. v. III 1. vetv. tek. Bëhet hermetik a i padepërtueshëm nga ajri, nga gazet etj. Hermetizohet dhoma. Hermetizohet shkolla.
2. pës. e HERMETIZÓJ.
✱Sin.: izolohet, veçohet.

HERMETIZOJ

HERMETIZ/ÓJ vep., ~ÓVA, ~ÚAR kal. 1. tek. E bëj hermetik a të padepërtueshme nga ajri, nga gazet etj.
2. fig. Izoloj plotësisht dikë a diçka.
✱Sin.: izoloj, veçoj.

HERMETIZËM

HERMETÍZ/ËM,~MI m. sh. ~A, ~AT 1. libr. Të qenët hermetik, gjendje hermetike. Hermetizmi i letërsisë (i poezisë). Vuan nga hermetizmi.
2. filoz. Tërësi pikëpamjesh të ndryshme (fetare, filozofike dhe ezoterike) të trashëguara nga bota egjipto-helenike dhe të përhapura gjerësisht në mesjetë në rrethe europiane dhe në botën islamike.
3. Të qenët shumë i errët dhe i pakuptueshëm për shkak të gjuhës së vështirë ose të ideve e të figurave të paqarta.

JOHERMETIK

JOHERMETÍK,~E mb. Që nuk lidhet me hermetikën; që nuk është njeri i mbyllur; kund. hermetik.

TEJMBYLLUR

TEJMBÝLLUR (i, e) mb., libr. Që është tejmbyllur, që nuk përshkohet nga ajri; hermetik. But (kavanoz) i tejmbyllur. Fuçi (tenxhere) e tejmbyllur.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë