Fjalori

Rezultate në përkufizime për “heqëse”

Mëso si ta përdorësh
<<< Kthehu te kërkimi kryesor në fjalor

ARITH

ARÍTH,~I m. sh. ~Ë, ~ËT krahin., bot. (lat. Equisetum arvense) Bimë barishtore e egër e ligatinave, në dukje si fieri, me gjethe të holla e të lëmuara si hala pishe, që këputen lehtë, këputja; bari i argjendit, grethi i arave.
✱Sin.: këputje, barxhan, bishtmi, heqëse, hjekëse, këputkë, koblar, krispë, krizëm, mjekëse, vgjedhë, vgjer.

HEQËSE

HÉQËS/E,~JAIII f. sh. ~E, ~ET 1. Vrimë në tavan pranë oxhakut nga del jashtë tymi i zjarrit.
2. krahin. Sirtar i tryezës, syze. Heqësja e tryezës. Heqëse me kyç. Vë (fut) në heqëse. Nxjerr nga heqësja.

KËPUTJE

KËPÚTJ/E,~AII f. sh. ~E, ~ET bot. Bimë barishtore shumëvjeçare e tokave të lagështa, e ngjashme me fierin, me rizomë e kërcell të degëzuar, me gjethe që përmbajnë acide organike, të cilat parapëlqehen nga disa bagëti; bargjan, heqëse, arith. Bagëtia hante këputje me shije të madhe.
✱Sin.: bargjan, heqëse, arith.

MASHË

MÁSH/Ë,~A f. sh. ~A, ~AT 1. Mjet prej hekuri me dy krahë të gjatë që dalin nga një pikë e përbashkët dhe përfundojnë me maja të kthyera në fund, i cili përdoret për të kapur thëngjij të ndezur ose për të përpushur zjarrin. Mori me mashë një thëngjill të ndezur. Kap (zë, mbaj) me mashë një urë zjarri. E trazoi zjarrin me mashë. Shprushi me mashë zjarrin në oxhak. Mashë prej druri s’bëhet. (fj. u.).
2. fig., zakon. keq. Njeri që e përdor dikush tjetër për qëllimet e veta, vegël. E shpëtoi (dikë) që ta kishte mashë për vete. Ishte (u bë) masha e të tjerëve. I rrinte mashë dikujt ishte i gatshëm t’i shërbente për çdo gjë. Kur ka mashën, pse të djegë dorën?(fj. u.) kur mund të përdorë dikë tjetër, nuk ka përse e bën vetë një punë të vështirë ose të rrezikshme.
✱Sin.: mashbigë, bigë, shkullojë, lugë, cimbidh, heqëse, furracë, vegël.
♦ U bë mashë (e dikujt) keq. u vu në shërbim të dikujt dhe ia kryen të gjitha punët e liga; u bë vegël (e dikujt). Po i dhe mashën, të kërkon edhe kacinë (dikush) shihi jep gishtin e të merr (të rrëmben) dorën (dikush). *Mish në mashë. I është nxehur masha në të dyja anët (dikujt) është krijuar një gjendje e vështirë kur dikush nuk di si të veprojë; është në mëdyshje, s’di si të bëjë, si të përgjigjet a ç’anë të mbajë; i grinden trutë (dikujt);as me buaj e as me qe (dikush).

SHESHJE

SHÉSHJ/E,~T f. vet. sh. Shapka, sheshëla. Mbath sheshje. Një palë sheshje. Doli me sheshje veshur.
✱Sin.: heqël, heqëse, sheshje, lepitka, brashnja, sheshka, papuçe, pupleshe, shatër.

SHESHËLA

SHÉSHËLA,~T f. vet. sh. Pantofla pa takë, sheshje, shapka. Veshi sheshëlat. Bleu një palë sheshëla të reja. Nuk i pëlqyen sheshëlat. Sheshëla të kuqe.
✱Sin.: heqël, heqëse, shapka, sheshje, lepitka, pashmangë, brashnja, sheshkë, papuçe, pupleshe, shatër.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë