Fjalori

Rezultate në përkufizime për “hekuror”

Mëso si ta përdorësh
<<< Kthehu te kërkimi kryesor në fjalor

HEKURMBAJTËS

HEKURMBÁJTËS,~E mb. 1. min. Që ka a që përmban mineral hekuri (për shtresë minerare). Tretësirë hekurmbajtëse. Mineral hekurmbajtës. Shtresa hekurmbajtëse.
2. kim. Me përmbajtje hekuri për një tretësirë.
✱Sin.: hekuror, i hekurt.

HEKUROR

HEKURÓR,~E mb. 1. Që ka a që përmban hekur, hekurmbajtës; që ka dalë nga përpunimi i hekurit. Mineral hekuror. Fundërri hekurore. Prodhim hekuror.
2. vjet. Prej hekuri; i hekurt. Gardh hekuror. Rrugë (udhë) hekurore hekurudhë.
✱Sin.: i hekurt, hekurmbajtës.

HEKURT

HÉKURT (i, e) mb. 1. Prej hekuri. Shufër (paftë, rrotë) e hekurt. Binarë të hekurt. Urë e hekurt. Derë e hekurt. Plor i hekurt. Rrugë (udhë) e hekurt hekurudhë.
2. fig. I fortë si hekuri, shumë i fortë dhe i fuqishëm; shumë i qëndrueshëm, që tërhiqet përpara vështirësive. Muskuj të hekurt. Njeri i hekurt. Rini e hekurt. Disiplinë e hekurit. Me vullnet të hekurt. Me zemër të hekurt.
3. fig. Që të detyron të veprosh patjetër sipas disa parimeve e kërkesave të drejta, që kërkon disiplinë të rregull dhe të fortë, që nuk bën asnjë lëshim; që të mban të shtrënguar fortë e nuk të lëshon; i rreptë. Grusht i hekurt. Darë e hekurt. Rreth i hekurt.
✱Sin.: i hekurimtë, hekuror, i çeliktë, i fortë, i fuqishëm, i pathyeshëm, i papërkulshëm, i rreptë.
♦ *Darë e hekurt libr. *Dorë e hekurt libr. Me *dorë të hekurt. Me *fshesë të hekurt libr. *Grusht i hekurt. Me *grusht të hekurt. *Perde e hekurt libr. *Rreth i hekurt libr.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë