Fjalori

Rezultate në përkufizime për “hegjemonizëm”

Mëso si ta përdorësh
<<< Kthehu te kërkimi kryesor në fjalor

ANTIHEGJEMONIZËM

ANTIHEGJEMONÍZ/ËM,~MI m. Të qenët kundërshtar i hegjemonisë, i mbizotërimit politik, ideologjik, ushtarak, ekonomik, kulturor etj. të një shteti, të një kombi, të një komuniteti, të një fuqie ndaj një shteti, ndaj një kombi ose ndaj një komuniteti tjetër; kundërhegjemonizëm; kund. hegjemonizëm. Antihegjemonizëm ushtarak (politik, ideologjik). Antihegjemonizëm kulturor. Formë e antihegjemonizmit.

HEGJEMON

HEGJEMÓN,~E mb. Që lidhet me hegjemonizmin dhe hegjemoninë, që mbështet në hegjemonizëm; që i përket hegjemonizmit. Vend (shtet) hegjemon.
✱Sin.: sundues, udhëheqës, zotërues, shfrytëzues, shtypës, mbizotërues, mbisundues.

HEGJEMONIST

HEGJEMONÍST,~E mb. Që ka prirje dhe përpiqet të ketë prirje për sundim mbi klasat ose mbi shtetet e tjera, që lufton për hegjemoni a për hegjemonizëm; që ka të bëjë me hegjemonizmin. Synime (qëllime, plane, politikë) hegjemoniste. Fuqi hegjemoniste.

HEGJEMONIST

HEGJEMONÍST,~I m. sh. ~Ë, ~ËT Sundues që ka prirje dhe përpiqet të ketë prirje për të ushtruar epërsi mbi klasat ose mbi shtetet e tjera; që lufton për hegjemonizëm; që ka të bëjë me hegjemonizmin.
✱Sin.: sundimtar, mbisundues, zotërues, mbizotërues, shfrytëzues, shtypës.

HEGJEMONISTE

HEGJEMONÍST/E,~JA m. sh. ~E, ~ET Sunduese që ka prirje dhe përpiqet të ketë prirje për të ushtruar epërsi mbi klasat ose mbi shtetet e tjera; që lufton për hegjemonizëm; që ka të bëjë me hegjemonizmin.
✱Sin.: sundimtare, mbisunduese, zotëruese, mbizotëruese, shfrytëzuese, shtypëse.

HEGJEMONIZËM

HEGJEMONÍZ/ËM,~MI m. Ushtrim i një mbizotërimi, i një ndikimi ose i një kontrolli të tepruar nga një shtet, grup, ideologji apo individ mbi të tjerët; hegjemoni. Hegjemonizëm i hapur. Politika e hegjemonizmit. Lufta kundër hegjemonizmit.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë