Fjalori

Rezultate në përkufizime për “havi”

Mëso si ta përdorësh
<<< Kthehu te kërkimi kryesor në fjalor

HAVI

HAVÍ,~A f. sh. ~, ~TË tek. Çekiçi i teneqepunuesve, i bakërpunuesve ose i zejtarëve të tjerë; pikës. Havi elektrike. Havi me flakë, me benzinë, me gaz. Havia e llambës së saldimit. Ngjit me havi.

PIKËS

PÍKËS,~E mb. Që shërben për të ngjitur një enë prej metali. Lëndë pikëse. Çekiç pikës havi.

ÇEKIÇ

ÇEKÍÇ,~I m. sh. ~Ë, ~ËT 1. Çekan i vogël që përdoret zakonisht për të ngulur gozhdë. Çekiçi i këpucarit (i farkëtarit, i muratorit). Çekiç kose. Çekiçi i neurologut. I bie me çekiç. Më gjej një çekiç.
2. tek. Çekan. Çekiç automatik (pneumatik). Çekiç shpues. Mulli me çekiçë.
3. anat. Eshtra e parë e vogël në veshin e mesëm, që mbështetet në kudhër.
4. sport. Vegël sportive e përbërë nga një rruzull i metaltë, i lidhur me një zinxhir me dorezë në fund, që hidhet nga atleti pasi rrotullohet disa herë me forcë. Hedhja e çekiçit. Kampione e hedhjes me çekiç.
5. Pjesë e parë në emërtime të pathjeshta për disa mjete pune. Çekiç pikës vegël me një kokë metalike me majë, që ngrohet për të ngjitur me kallaj, havi. Çekiçi i shkresës çekiç për të bërë vijat e thelluara në enët prej bakri a prej teneqeje.
6. zool. Pjesë e parë në emërtimin e pathjeshtë për një shpend. Çekiç thneglash qukapik.
♦ E ka kryet çekiç (dikush) nuk bindet, nuk i mbushet mendja; është shumë kokëfortë, nuk dëgjon njeri, nuk merresh dot vesh me të; s’lidhet as për bishti e as për krye; e ka kokën me gunga (me xhunga); e ka kokën shkëmb. Njëri *darës e tjetri çekiçit. Njëri (i bie) *kudhrës e tjetri çekiçit (çokut).

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë