Fjalori

Rezultate në përkufizime për “hasha”

Mëso si ta përdorësh
<<< Kthehu te kërkimi kryesor në fjalor

HASHA

HÁSHA pasth., bised. 1. vjet. Përdorej si betim për të siguruar dikë që diçka nuk ishte e vërtetë, që dikush nuk e dinte një punë. Hasha, s'di asgjë. Hasha, s'e mora vesh. Hasha, s'e pashë.
2. si ndajf. Përdoret së bashku me disa folje dhe formon me to togje të qëndrueshme me kuptimin e përgjithshëm “e mohoj dikë a diçka”. E bëri hasha. I ra hasha fjalës. E bëri hasha djalin.

HASHAXHI

HASHA/XHÍ,~XHÉSHË mb. Mohues.
✱Sin.: mohues, kundërshtues, mospajtues.

HASHOJ

HASH/ÓJ vep., ~ÓVA, ~ÚAR kal. E bëj hasha, e mohoj; kund. pohoj.
✱Sin.: mohoj, shthem, çnjoh, kundërshtoj.

MOH

MOH,~U m. sh. ~E, ~ET Mohim. I ra moh (hasha) e mohoi diçka që ka thënë ose që ia ngjitin të tjerët.

MOHOJ

MOH/ÓJ vep., ~ÓVA, ~ÚAR kal. 1. Nuk e quaj të vërtetë diçka, them se nuk është ashtu, se nuk ka ndodhur etj.; them ‘jo’ për diçka; nuk pranoj ç’kam bërë ose ç’kam thënë më parë; e ha fjalën; kund. pohoj. S’e mohon askush (asnjeri). I mohoi fjalët. Mohoi gjithçka. S’ia mohoj të mirat. S’e mohoj ç’kishte thënë. Mos e moho!
2. Nuk pranoj qenien, rolin, rëndësinë, vlerën, domosdoshmërinë etj. të diçkaje, e quaj fare pa vlerë e pa dobi; s’e marr fare parasysh praninë e dikujt ose të diçkaje; nuk ia njoh dikujt një meritë a diçka tjetër. U mohonin të drejtat (punën). Mohonte rolin (rëndësinë, aftësinë) e tij.
3. Nuk i përmbahem më diçkaje ose dal kundër saj, nuk e përkrah a nuk e pranoj më; shkëput çdo lidhje me dikë, s’dua të di më për të; e braktis, e bëj hasha. Nuk i mohoi idetë (parimet). S’e mohoi gjakun e vet. S’e mohon vajzën (djalin, nënën, babanë).
4. filoz. Kundërshtoj ose e quaj pa vlerë njohëse çdo gjë të vjetër, nga e cila ka lindur diçka e re; kund. pohoj. Mohoj të vjetrën dhe pohoj të renë.
✱Sin.: thyej, shthem, çnjoh, braktis, rrëzoj.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë