Fjalori

Rezultate në përkufizime për “hasëll”

Mëso si ta përdorësh
<<< Kthehu te kërkimi kryesor në fjalor

BUXHAK

BUXHÁK,~UII m. sh. ~Ë, ~ËT 1. bot. (lat. Vicia sativa) Bimë barishtore njëvjeçare e ngjashme me grashinën, me kërcell të gjatë e të përkulshëm, me gjethe çift e me lule të kuqe, që lëshon bishtaja me shumë fara të zeza e të rrumbullakëta dhe që mbillet si hasëll për të ushqyer kafshët. Farë (bishtajë) buxhaku. Kullot në buxhak (lopët). Ushqen me buxhak.
2. fig. Njeri i dobët, i tretur e i rrëgjuar. Mbeti buxhak gjithë jetën.

HASËLL

HÁSËLL,~I m. sh. ~E, ~ET 1. bujq. (lat. Avena pratensis) bimë foragjere (tërshërë, elb, etj.), që mbillet në fund të verës a të vjeshtës dhe që përdoret si ushqim i njomë për bagëtinë.
2. bujq. Tokë a arë e mbjellë me bimë (tërshërë, elb a thekër) me qëllim që të përdoret si ushqim i njomë për bagëtinë; hasëllore. Hasëll i thjeshtë. Hasëll i përzier (me bimë bishtajore). Bari i hasëlleve. Korr hasëllin. Mbjell me hasëll. I mban (i ushqen) bagëtitë me hasëlle.
✱Sin.: tërshërë, elb, hasëllore, foragjere.

HASËLLORE

HASËLLÓR/E,~JA f. sh. ~E, ~ET bujq. Tokë a arë e mbjellë me hasëll.

JESHILRA

JESHÍLRA,~T vet. sh. Barëra e gjethe të njoma për bagëtitë.
✱Sin.: hasëll, asull.

PAKORRUR

PAKÓRRUR (i, e) mb. Që ende nuk është korrur; që ka mbetur pa u korrur; kund. i korrur. Grurë (misër, bar, hasëll) i pakorrur. Arë (bjeshkë) e pakorrur.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë