Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
ADOPTÚESH/ËM (i), ~ME (e) mb., drejt. I birësueshëm, që mund të adoptohet ligjërisht; që mund të përvetësohet; që mund të hartohet (një vepër, një tekst, një, një skenar etj.).
AKTKONTRÓLL,~I m. sh. ~E, ~ET drejt. Dokument zyrtar që dëshmon një proces verifikimi, inspektimi ose mbikëqyrjeje nga një autoritet kompetent për një subjekt të caktuar; dokument që dëshmon përfundimet e një kontrolli; procesverbal që hartohet pas një kontrolli, akt kontrolli. Bëj (nënshkruaj) aktkontrollin. Aktkontroll për pajisjet e sigurisë. Autoriteti përgjegjës përpiloi aktkontrollin pas inspektimit të një kompanie. U krye aktkontrolli në spital.
AKTPADÍ,~A f. sh. ~, ~TË 1. drejt. Kërkesë me shkrim që hartohet nga pala e interesuar dhe që përmban padinë e ngritur kundër dikujt në një gjykatë civile; akt padie. Aktpadi penale. Ngrihet aktpadi. Në bazë të aktpadisë. Kopje e aktpadisë. Paraqes aktpadi në gjykatë. Prokurori paraqiti aktpadinë. Aktpadi për shkelje të kontratës dypalëshe.
2. fig. Aktakuzë. Aktpadi e rëndë (e ashpër).
SKELÉT,~I m. sh. ~E, ~ET anat. Tërësia e eshtrave që përbëjnë mbështetjen e fortë në trupin e njeriut dhe të kërbishtorëve të tjerë; eshtrat e një pjese të trupit. Skeleti i njeriut prehistorik ishte ekspozuar në muze. Skeleti i kalit (i qenit) ishte në laborator. Zbuluan vetëm skeletin e kokës. Zbuloi një skelet.
2. Shtyllat, harqet dhe pjesët e tjera më të forta e më të qëndrueshme, në të cilat mbahen e mbështeten pjesët e tjera të një ndërtese, të një mjeti a të një pajisjeje tjetër dhe që përcaktojnë trajtën e përgjithshme. E montuan skeletin metalik. Skelete anijesh. Skeleti i aeroplanit ishte një masiv metali.
3. Mbeturinat e një ndërtese, të një mjeti ose të diçkaje tjetër që është prishur a djegur, duke ruajtur vetëm tiparet kryesore. Skeleti i aeroplanit të rrëzuar. Skeletet e makinave të djegura. Kishte mbetur vetëm skeleti.
4. Kornizë, rreth. Skeleti i dritareve u vendos në godinën e re. Skeletin e syzeve e kishte prej metali të mirë.
5. bujq. Skeleti i tokës, pjesa e tokës që përbëhet nga gurët, zalli dhe rëra e trashë. Ishte një terren me skelet të ashpër.
6. fig. Ajo që shërben si pikënisje a si mbështetje për të ndërtuar diçka; vijat kryesore, sipas të cilave hartohet një vepër letrare, një studim etj. Skeleti i ushtrisë së ardhshme do të ishin këto reparte. Po përpiqej të hartonte skeletin e romanit. Skeleti i tregimit ishte i mjegullt.
7. fig. Njeri që është dobësuar së tepërmi. Ishte bërë një skelet i gjallë.
✱Sin.: eshtëri, eshtra, ashtëri, ashtërim, skurrjalë, zgorre, kornizë, ngrehë, ngrehinë, armaturë.
♦ Është bërë skelet (dikush) shih është bërë kockë e lëkurë (dikush).
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë