Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
►ARRAKÁT/EM jovep., ~A (u), ~UR bised. 1. vetv., vet. v. III Shkëputet nga tufa dhe endet vetëm nëpër kullotë, shpërndahet sa andej e këtej, në mënyrë të çrregullt. U arrakatën dhitë malit.
2. vetv. Endem poshtë e përpjetë, pa u mbledhur në shtëpi a për punë, nuk arrij të rehatohem, tarashkatem; bëhem bredharak. Arrakatem sa në shtëpi, sa në oborr.
✱Sin.: shpërhapem, shpërndahem, hapërdahem, përndahem, hallakatem, tarashkatem, shkapërdahem, shkapërderdhem, sorollatem, vërdallosem, tarahitem, tarahendet.
BOHORRÍT/EM jovep., ~A (u), ~UR vetv. Sillem poshtë e lart pa ndonjë qëllim të caktuar, endem, përendem, bredh; sillem kot, hallakatem, tallem. Bohorritet si keci kërthi. U bohorrit e u lodh. U bohorritën nëpër rrugë, pastaj u mblodhën në shesh.
✱Sin.: endem, përendem, bredh, harboj, livadhis, sillem, përsillem, vërtitem, sorollatem, rrotullohem, hallakatem, vërdallosem, tallem, zgafullohem, hardallosem, çakërdisem, hapërdahem, arrakatem, trapit, arratisem, hallavitem, kapistallem, tororisem.
►HARRAKÁT/EM jovep., ~A (u), ~ÚR bised., vetv. 1. kryes. v. III Shkëputet nga tufa dhe endet vetëm nëpër kullotë, shpërndahet sa andej e këtej, në mënyrë të çrregullt (për bagëtinë). U harraktën dhitë malit.
2. Endem a bredh poshtë e përpjetë; bëhem bredharak.
✱Sin.: shpërndahem, përhapem, shpërhapem, hapërdahem, përndahem, hallakatem, shkapërdahem, sorollatem, vërdallosem.
►PËRHÁP/EM jovep., ~A (u), ~UR 1. vetv., zakon. sh. Largohemi në drejtime të ndryshme dhe mbushim një shesh a gjithë vendin.
2. vetv., vet. v. III Shtrihet në drejtime të ndryshme diçka që është e grumbulluar në një vend; zë gjithë vendin, pushton; prishet një grumbull, shpërndahet. U përhapën nëpër pyll (nëpër fushë). U përhap mjegulla. U përhap flaka (zjarri). Përhapën tingujt. Përhapet aroma e luleve. Përhapen rrezet e diellit.
3. vetv., vet. v. III Merr një shtrirje a përpjesëtim të gjerë, zgjerohet; kap edhe vende të tjera. Përhapet mbjellja në sera. Përhapet përdorimi i pajisjeve kompjuterike në mësim.
4. vetv., vet. v. III Kalon një sëmundje nga njëri tek tjetri, prek një shumicë njerëzish, mbartet, shtrihet. Sëmundjet ngjitëse përhapen shpejt.
5. vetv., vet. v. III Bëhet e ditur a e njohur për të gjithë ose për një rreth të gjerë njerëzish; përvetësohet nga një shumicë njerëzish; shtrihet, popullarizohet. U përhap fjala (lajmi) se... Përhapet përvoja e më të mirëve.
6. vetv. Shpërndahem e merrem me gjëra të tjera që nuk lidhen shumë me thelbin e një çështjeje; zgjatem për së tepërmi kur merrem me studimin, me shqyrtimin a me trajtimin e diçkaje; nuk përqendrohem në diçka, hapem. U përhap në hollësira (në gjëra të panevojshme). Punon shumë, po përhapet tepër.
7. pës. e PËRHÁP.
✱Sin.: shpërndahem, përndahem, hapem, shpërhapet, shpërderdhet, shkoqem, përshkoqem, përshkënditem, hallakatem, davaritem, zhdavaritet, tuhatem, damahushet, përbishtem, shqepem, shtrihem, zgjerohem, derdhem, bie, qarkullohem, shpërpallet, dal, shkon, vete, kalon, tërhapem, zgjerohem, përdegem, çakërdisem, pushtohem, shkapërderdhem, shprishem, zhvillohem, rritem, shtrapëzohet, dëgjohem, njihem, përvetësohet, popullarizohem, hapërdahem, zgjatem, hapem, tërhapem. shpërqendrohem, shtohem, tejçohet, tejshtrihet, rrezatohet, depërton, gëlon, jehon.
►SHAKTÍS/EM jovep., ~A (u), ~UR 1. vetv. Përhapem sa andej-këndej pa rregull, çakërdisem. Mos u shaktisni! Shaktisem kur kam provim. U shaktis sa andej-këndej pa ndonjë arsye.
2. vetv., fig. Prishem nga mendja, hutohem. Sa e pa, u shaktis. U shaktisa e nuk dëgjoja më asgjë.
3. vet. v. III., pës. e SHAKTÍS. Shaktisej krejt prej saj. Fëmijët janë shaktisur nga interneti.
✱Sin.: shpërndahem, hapërdahem, hallakatem, hutohem, çakërdisem, çoroditem, turbullohem, trullosem.
►SHKAPËRDÁ/HEM jovep., ~VA (u), ~RË 1. vetv. Shpërndahem sa andej-këtej. Retë u shkapërndanë. Njerëzit u shkapërndanë për shkak të shiut.
2. fig. Përhapet diçka poshtë e lart. Iu shkapërdanë fjalët.
3. pës. e SHKAPËRDÁJ.
✱Sin.: ndahem, përndahem, hapërdahem, shpërhapem, shkapërderdhem, përhapet, shpërkoqet, shpërndahet, davaritet, zhdavaritet, shkalafitet.
►TARASHKÁT/EM jovep., ~A (u), ~UR 1. vetv. Largohem në shenjë pakënaqësie me të ardhur dikush, me të cilin nuk shkoj mirë ose ngaqë ka vese. Sapo hyri i dehuri, u tarashkatën të pranishmit.
2. vetv. Hapërdahem, hallakatem, shpërndahem. Qentë iu sulën ujkut dhe kopeja u tarashkat u shpërnda e trembur.
3. pës. e TARASHKÁT.
✱Sin.: hapërdahem, hallakatem, shpërndahem.
►TRUÇKÁT/EM jovep., ~A (u), ~UR 1. vetv. Shpërndahem kuturu, përhapem rrëmujshëm; hapërdahem, hallakatem. U truçkatën pulat se ra shqipja. Kopeja ishte truçkatur në lëndinë.
2. pës. e TRUÇKÁT.
►ÇAKËRDÍS/EM jovep., ~A (u), ~UR bised. 1. vetv., v. III. Shpërndahet andej-këndej në mënyrë të çrregullt, në rrëmujë. U çakërdis bagëtia. U çakërdisën fëmijët. U çakërdisën si zogjtë e korbit.
2. fig., vetv. Më prishet mendja, bëhem si i hutuar e nuk di si të veproj; hutohem. U çakërdis nga mendtë. U çakërdis nga telashet e shumta. Shpirti i saj çakërdisej.
3. fig., vetv. Humb kontrollin dhe sillem si i çmendur. Ai çakërdisej e shfrynte kundër tyre. Mendja i është çakërdisur kapedanit. Zemra i çakërdisej në kraharor.
✱Sin.: përhapem, shpërndahem, hallakatem, hutohem, ngatërrohem, hapërdahem, çoroditem.
♦ M’u çakërdis *mendja.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë