Fjalori

Rezultate në përkufizime për “hallexhi”

Mëso si ta përdorësh
<<< Kthehu te kërkimi kryesor në fjalor

BELATISUR

BELATÍSUR (i, e) mb., bised. Që i kanë rënë shumë belara; i sëkëlldisur, i brengosur, hallemadh, brengëshumë. Njeri i belatisur. Grua e belatisur.
✱Sin.: hallemadh, halleshumë, hallexhi, hallezi, hallekeq, brengëshumë, kusuremadh, mundimmadh, lotmadh, andrallemadh.

DERTLI

DERTLÍ,~U m. sh. ~NJ, ~NJTË Njeri me halle; njeri që ka kaluar brenga e shqetësime; hallexhi. Është njeri dertli.

HALLEXHI

HALLEXHÍ,~U m. sh. ~NJ, ~NJTË bised. 1. Ai që është hallemadh. Rrinte si hallexhi.
2. si mb. Sipas kuptimit të emrit. Burrë hallexhi.

HALLNIK

HALLNÍK,~E mb. 1. Hallemadh.
2. Shëndetlig, që vuan nga ndonjë sëmundje, që nuk i ecën shëndeti. Plak hallnik.
✱Sin.: hallemadh, i shumëvuajtur, kusurmadh, mundimmadh, hallkeq, hallezi, hallexhi, nevojtar, shëndetlig, i dobët, i sëmurë, i lig.

MAHITEM

►MAHÍT/EM jovep., ~A (u), ~UR 1. vetv. Bëj shaka, tallem, shpotitem, qesëndisem. Djali donte të mahitej pak me nënën. Hajde de, se u mahita, hajgare ishte. Mos u mahit me mua se jam hallexhi! Me kë je mahitur ti?
2. vetv. Gënjehem, rrehem. Kujtoj vitet kur u mahita. A po mahitesh përnjëmend? Kur u mahitëm?
3. vetv. Habitem, mahnitem, hutohem. U mahita nga kënga e re. Mahitej me vete. Ishte mahitur fort me mysafirin. Nuk ka asgjë për t’u mahitur këtu.
4. pës. e MAHÍT. U mahita pak nga madhësia e librit.
✱Sin.: tallem, shpotitem, qesëndisem, gënjehem, rrehem.

NEVOJTAR

NEVOJTÁR,~E mb. 1. Që nuk i ka mjetet e mjaftueshme për jetesë, i varfër, i vobektë. Njeri nevojtar. Familje nevojtare.
2. Që ka nevojë për diçka, që i mungon a i duhet diçka për të kryer një punë etj. Është nevojtar për shtëpi (banesë).
✱Sin.: i varfër, i vobektë, hallexhi, hallemadh, halleshumë, hallezi, hallkeq.

ZEMËRDHEMBSHUR

ZEMËRDHÉMBSHUR mb. 1. Që ndien dhembshuri për atë që vuan, që e ka zemrën të ndjeshme dhe i vjen keq kur i sheh të tjerët që vuajnë; zemërbutë; kund. zemërgur. Baba (nënë, motër, njeri) zemërdhembshur. Artist zemërdhembshur. Hallexhi zemërdhembshur. Është shumë zemërdhembshur. - Bëhu zemërdhemshur edhe ti! - O nëna zemërdhembshura, sa netë pa gjumë, sa ditë pa qetësi ju kemi dhënë!
2. si em. m. e f. Sipas kuptimit të mbiemrit.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë