Fjalori

Rezultate në përkufizime për “hënaprapë”

Mëso si ta përdorësh
<<< Kthehu te kërkimi kryesor në fjalor

HËNAJASHTË

HËNAJÁSHTË ndajf. Në kohën kur ka dalë hëna, kur ka lindur hëna; kund. hënabrenda. Nuk e punonte tokën hënajashtë. Nuk e hante grurin e ri (fasulen e re) hënajashtë (sipas besëtytnive).
♦ Jam parë hënajashtë (me dikë) nuk shkoj mirë me dikë, nuk e duam njëri-tjetrin, nuk duam ta shohim me sy njëri-tjetrin; jam parë hënaprapë; jam parë me hënë të keqe; kund. jam parë hënabrenda.
✱Sin.: hënaprapë, hënakeq.

HËNAKEQ

HËNAKÉQ ndajf. Me hënë të keqe; hënaprapë. Janë parë hënakeq janë parë hënajashtë.

HËNAPRAPË

HËNAPRÁPË ndajf. Në një kohë të papërshtatshme, në një çast të keq; hënajashtë. U takuan hënaprapë. Janë parë hënaprapë janë parë hënajashtë.
✱Sin.: hënakeq, hënajashtë.
♦ Jam parë hënaprapë (me dikë) shih jam parë hënajashtë (me dikë).

SHIHEM

►SHÍHEM jovep. PÁSHË (u), PÁRË 1. vetv. Shoh veten të pasqyruar diku; shikohem. Shihem në pasqyrë.
2. vetv. Shoh dikë dhe ai me sheh mua. U panë sy ndër sy. U panë vëngër.
3. vetv. Takoj dikë, gjendem bashkë me të. S'jemi parë që në verë. Kur do të shihemi prapë? U pafshim shëndoshë (me të mira) ur.
4. bised., vetv. Vizitohem te një mjek. Është parë në shumë doktorë. U pa te mjeku i syve.
5. vet. v. III Vete diku; shfaqet, del në shesh, duket. S'janë parë më këtej. Është parë në Fier. Po shihen frytet e para të kësaj lëvizjeje.
6. vetv., vet. v. III Merret vesh, kuptohet qartë; merr fund, përfundon (zakonisht jo ashtu si e pritnim). U pa që s'ka për të rënë shi. U pa dhe kjo punë. U pa që s'nisemi dot sot.
7. bised., vetv., vet. v. III, kr. thj. (me një trajtë të shkurtër të përemrit vetor në r. dhanore). Më duket, më bëhet, kam përshtypjen se është kështu a ashtu. M'u pa i sëmurë. Iu pa më e madhe. M'u pa i mërzitur. Na u panë të gëzuar.
8. pës. e SHOH. Ky dimër s'është parë. Shihet e nevojshme. Së largu nuk shihet.
✱Sin.: shikohem, vështrohem, këqyrem; takohem, vizitohem (te mjeku);
♦Jam parë *hënabrenda (me dikë). Jam parë *hënajashtë (me dikë). Jam parë *hënaprapë (me dikë). U pa *puna.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë