Fjalori

Rezultate në përkufizime për “guror”

Mëso si ta përdorësh
<<< Kthehu te kërkimi kryesor në fjalor

ASTEROID

ASTEROÍD,~I m. sh. ~Ë, ~ËT astr. Trup i vogël qiellor, planetoid, i ngurtë, guror ose metalik, me madhësi prej disa metrash deri në qindra kilometra në diametër, me formë të parregullt, që gjendet në brezin midis Marsit dhe Jupiterit dhe që rrotullohet rreth yllit amtar ose si satelit natyror i planetëve më të mëdhenj. Asteroid metalik (karbonik, silikati). U zbulua një asteroid i ri. Përbërja e asteroidëve.

GUROR

GURÓR,~E mb. Që është prej guri; shkëmbor; që ka shumë gurë. Tokë gurore. Vend guror.
✱Sin.: shkëmbor, guracak.

PEKOLL

PEKÓLL,~I m. Vend guror i thatë e i paujë.

SHKËMBOR

SHKËMBÓR,~E mb. 1. Që është plot me shkëmbinj, që ka shumë shkëmbinj. Terren shkëmbor. Plazh shkëmbor. Grykë shkëmbore. Shpat shkëmbor.
2. Që është i fortë e i ngjeshur si shkëmb, që është prej shkëmbi. Masiv shkëmbor. Kodër shkëmbore. Tokë shkëmbore. Shpat shkëmbor. Planetë shkëmbore.
✱Sin.: i shkëmbtë, gur, guror, guracak, gërxhor.

SHKËMBTË

SHKËMBTË (i, e) mb. 1. Që është shkëmbor. Brinjë e shkëmbtë. Vend i shkëmbtë. Bregore e shkëmbtë.
2. fig. Që është i fortë e i ngjeshur si shkëmb. Djalosh me shtat të shkëmbtë. Fron i shkëmbtë. Drejtësia qëndronte e shkëmbtë.
✱Sin.: i shkëmbtë, shkëmbor, gur, guror, guracak, gërxhor.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë