Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
KASHT/ÓJ vep., ~ÓVA, ~ÚAR kal. 1. Mbuloj me kashtë një kasolle, një kolibe etj. Po kashtoja kasollen.
2. Thur a ambalazhoj me kashtë (një shishe, një damixhanë etj.) që të mos thyhet. Kashton shishet e verës.
3. Ushqej bagëtinë me kashtë, bëj kashtimin e bagëtive; grazhdoj. Kashtoi bagëtinë.
4. fig., bised. E rrah fort, e zhdëp në dru (një njeri a një kafshë shtëpiake). E shava se po kashtonte fëmijën.
✱Sin.: grazhdoj, zhdëp.
USHQ/ÉJ vep., ~ÉVA, ~ÝER kal. 1. I jap për të ngrënë një njeriu a një kafshe, i jap ushqim; i fut ushqimin në gojë dikujt që nuk mundet ose nuk di të hajë vetë. Ushqen fëmijën. Ushqen të sëmurin. Ushqen qenin (macen). E ushqen me të gjitha të mirat.
2. I jap gji foshnjës ose të voglit. E ushqen me gji. Ushqeu foshnjën.
3. I jap lëndët e nevojshme një organizmi ose një pjese të tij për t’u mbajtur gjallë e për t’u zhvilluar. Toka ushqen bimët. Buka na ushqen. Ushqen trurin (mushkëritë) me gjak.
4. I siguroj dikujt mjetet e nevojshme për jetesë, e mbaj me të ardhurat e mia dikë; shërben si burim i mjeteve për të jetuar. Ushqen familjen. Ushqen gruan dhe fëmijët. E ushqen zanati. Toka nuk i ushqente dot. Ka shumë fëmijë për të ushqyer.
5. Bëj që të shëndoshet e të majmet duke i dhënë ushqim të bollshëm, mbaj për mish; majm. Ushqeu një derr (një dash). Ushqen gjelin e detit. E ushqen për ta therur.
6. I jap diçka të nevojshme që e vë në lëvizje ose me të cilën punon, furnizoj me lëndë të parë diçka (për një mekanizëm, për një makinë, për një fabrikë, etj.); shërben si burim për të punuar a për t’u plotësuar. Ushqen lokomotivën (makinën). Ushqej zjarrin. E ushqen me dru (me qymyr). E ushqen me rrymë elektrike. I ushqen me lëndë të parë. Lumi ushqen liqenin.
7. fig. I jap vazhdimisht diçka që e ndihmon të brumoset, të rritet a të zhvillohet; edukoj, rrit me diçka. I ushqen me letërsi. E ushqen me dashuri. E ushqen me ide përparimtare. E ushqen me urrejtje.
8. fig. Nxit a përkrah diçka, bëj që të zhvillohet më tej (një ndjenjë, një mendim etj.); shërben si bazë për t'u zhvilluar më tej. I ushqen dashurinë (dëshirën). Ushqen sedrën (mërinë). Ushqen kureshtjen. I ushqen ëndrrat (shpresat, iluzionet). I ushqen besimin (optimizmin). Ia ushqen mosha.
9. Kam dhe ruaj në vetvete, provoj për një kohë të gjatë një ndjenjë të caktuar për dikë a për diçka; kam dhe ruaj në mendjen time një ide, një mendim, një qëllim të caktuar. Ushqen dashuri për shokët. Ushqen shpresa shpreson. Ushqen mosbesim.
✱Sin.: bukoj, kullos, ditoj, gjëllij, mënd, mëkoj, koj, rij, grazhdoj, mëmëzon, mëzoj, shujtoj, tajis, mbaj), majm, edukoj, rris, brumos, plehëroj.
♦ Ia ushqen *fjalën (dikujt) i shkon pas fjalës (bisedës, mendimit), i jep të drejtë dhe e nxit të vazhdojë.
VAGJËL/ÓJ vep., ~ÓVA, ~ÚAR kal. 1. I jap për të ngrënë një të sëmuri ushqim të zgjedhur për ta mbajtur mirë, me qëllim që ta marrë veten, që të shërohet sa më shpejt. E vagjëloi duke e ushqyer me vagjëli. E vagjëloi mirë plakun derisa e mori veten.
2. I jap fëmijës për të ngrënë, e ushqej para se ta vë në gjumë, koj. E vagjëloi foshnjën para se ta vinte në gjumë. U vonova sa i vagjëlova kalamajt.
3. U jap për të ngrënë bagëtive. I vagjëloi bagëtitë në grazhd. I vagjëloi kuajt.
✱Sin.: koj, mëkoj, grazhdoj.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë