Fjalori

Rezultate në përkufizime për “gratshëm”

Mëso si ta përdorësh
<<< Kthehu te kërkimi kryesor në fjalor

BEGATOR

BEGATÓR,~E mb. 1. poet. Që jep prodhime të bollshme, pjellor; i begatshëm. Tokë begatore. Kullotat begatore të maleve. Krojet begatore. Pranverë begatore.
2. vjet. I pasur, i kamur. Të zotët bëhen begatorë.
3. si em. m. e f. Sipas kuptimeve të mbiemrit. Përkthyesit mbeten begatorët më të zellshëm të shqipes.
✱Sin.: pjellor, i begatshëm, i pasur, i kamur, i gratshëm, i frytshëm.

BUKANIK

BUKANÍK,~E mb. 1. I mbushur me thelb a me bukë brenda, që është plot; kund. fyçkë, fyrbë, fyshte. Kallamboq bukanik. Arrë bukanike.
2. Që prodhon mirë, pjellor (për tokën); bukator; kund. jopjellor, i varfër. Vend bukanik. Tokë bukanike.
✱Sin.: bukator, i pëlleshëm, prodhues, prodhimtar, i begatshëm, i begatë, i gratshëm, gratçor, i bukshëm, farës.

DOBISHËM

DOBÍSH/ËM (i),~ME (e) mb. 1. Që i sjell dobi dikujt a diçkaje; kund. i dëmshëm. Ushqime të dobishme. Kafshë (bimë) të dobishme. Veprim i dobishëm.
2. I nevojshëm, që hyn në punë për diçka, që mund të shfrytëzohet për qëllime të caktuara; që i vlen njeriut a gjithë shoqërisë. Punë (vepër) e dobishme. Masë e dobishme. Analizë (mbledhje, kritikë, përvojë) e dobishme. Minerale të dobishme. Koeficienti i punës së dobishme (mat.).
✱Sin.: dobiprurës, utilitar, i hairtë, i frytshëm, frytdhënës, i efektshëm, i gratshëm, i vlefshëm, praktik.

FRYTSHËM

FRÝTSH/ËM (i), ~ME (e) mb. Që jep fryt, frytdhënës, i dobishëm. Punë e frytshme. Bashkëpunim i frytshëm.
✱Sin.: frytdhënës, i dobishëm, i efektshëm, i gratshëm, i begatshëm, i bereqetshëm, i bukshëm, i bulmetshëm, produktiv.

GRATSHËM

GRÁTSH/ËM (i), ~ME (e) mb. 1. Që ka grat, që ka duk; që mjafton për shumë veta a për mjaft kohë, i bollshëm. Grurë (oriz) i gratshëm. Prodhim i gratshëm.
2. Pjellor. Tokë e gratshme.
3. fig. I dobishëm, i frytshëm, frytdhënës. Punë e gratshme.
✱Sin.: i bollshëm, pjellor, i dobishëm.

MJAFTUESHËM

MJAFTÚESH/ËM (i), ~ME (e) mb. Që mjafton për të përmbushur nevojat ose kërkesat; që është aq sa duhet; që del, që arrin. Sasi e mjaftueshme. Ushqime të mjaftueshme. Njohuri të mjaftueshme. Ka të ardhura të mjaftueshme. Nuk është i mjaftueshëm.
✱Sin.: i mjaftë, i bollshëm, i shumtë, i gratshëm.

PAGRATSHËM

PAGRÁTSH/ËM (i), ~ME (e) mb. 1. Që nuk shton kur gatuhet, i paduk; kund. i gratshëm. Oriz i pagratshëm.
2. Që nuk jep prodhim, jopjellor. Tokë e pagratshme.
3. fig. Që nuk jep përfundime të plota e të dukshme; që nuk sjell dobi, që s’ka leverdi, i padobi. Punë e pagratshme.
✱Sin.: i paduk, joprodhues, shterp, i padobishëm, i pafrytshëm, i pabereqet, i pabereqetshëm, i kotë.

PJELLOR

PJELLÓR,~E mb. 1. Që ka aftësinë të pjellë; që pjell shumë; kund. shterpë. Racë pjellore. Pulë pjellore.
2. Që jep shumë prodhime, frytdhënës. Tokë pjellore. Kodrina pjellore.
✱Sin.: pjellake, pjellëse, pjelltore, visharake, vejëse, vezarake, i pëlleshëm, prodhues, prodhimtar, i begatshëm, i begatë, begator, i gratshëm, gratçor, i bukshëm, bukanik, i bëshëm, i frytshëm, faranik, farës, i pjellshëm, frytdhënës, i shëndetshëm, prodhimtare, e bulmetshme, i majmë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë