Fjalori

Rezultate në përkufizime për “gojashpër”

Mëso si ta përdorësh
<<< Kthehu te kërkimi kryesor në fjalor

FJALASHPËR

FJALÁSHPËR mb. Që flet ashpër; fjalëvrazhdë. Ishte drejtues fjalashpër.
✱Sin.: fjalëvrazhdë, gojashpër.

GOJASHPËR

GOJÁSHPËR mb. Që flet ashpër, që është i vrazhdë në të folur, që i ka fjalët të ashpra; fjalërëndë. Burrë gojashpër. Është gojashpër.
✱Sin.: fjalërëndë, gojërëndë, gojëvrazhdë, gojëvrarë.

PIPER

PIPÉR,~I m. 1. bot. (lat. Piper) Bimë kacavarëse, që rritet në vende tropikale dhe bën kokrra të zeza, djegëse e me erë të mirë. Bima e piperit.
2. Kokrrat e kësaj bime ose pluhuri djegës që bëhet duke bluar këto kokrra; piper i zi. Bluaj piper. I hedh piper gjellës. Kush përtyp piper, nuk pështyn sheqer. (fj. u.).
3. Pluhur që bëhet duke bluar piperka të kuqe, piper i kuq, spec. Piper djegës. I hedh gjellës piper. E dogji piperi. S’e përdor piperin.
4. fig. Njeri me huqe, llafazan e idhnak, që zemërohet vetë shpejt ose inatos të tjerët e i fut në grindje. Ishte një piper ai që...
✱Sin.: spec, idhnak, inatçi, inatçor, inatçi.
♦ U bë piper (*spec) (dikush). Është piper i kuq (dikush) përçm. është zemërlig, gojashpër e fjalërëndë.

VRAZHDË

VRÁZHDË (i, e) mb. 1. Që e ka sipërfaqen jo të lëmuar, që nuk është i butë në të prekur, i ashpër; kund. i butë. Dorë e vrazhdë. Lëkurë e vrazhdë. Stof i vrazhdë.
2. fig. Që nuk është mirëdashës, jo i njerëzishëm, fjalërëndë; që shpreh zemërim, rreptësi a egërsi, i ashpër, i egër; kund. i butë. Njeri i vrazhdë. Me fytyrë (me pamje) të vrazhdë. Shikim i vrazhdë. Me tipare të vrazhda. Fjalë (përgjigje) e vrazhdë. Ishte i vrazhdë.
3. I ashpër, jo i këndshëm, që të ther veshin (për zërin); që nuk të kënaq. Zë i vrazhdë. Britmë e vrazhdë.
4. Që ka shije jo të pëlqyeshme, jo i këndshëm në të pirë, i cilësisë së dobët, i ashpër, i egër. Raki e vrazhdë. Pije e vrazhdë. Shurup i vrazhdë.
✱Sin.: i ashpër, i rëndë, i egër, vrazhdak, gojashpër, fjalashpër, fjalërëndë, i merdostë, i pagdhendur, i palëmuar, i palatuar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë