Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
ALTORELIÉV,~I m. sh. ~E, ~ET arkit. Teknikë skulpturore, që krijon reliev skulpturor me forma të ngritura deri në gjysmëlartësi të thellësisë së objektit, duke krijuar efekt të theksuar tredimensional. Altorelievet në tempujt antikë. Në murin e muzeut ndodhet një altoreliev me heronjtë e historisë sonë kombëtare. Altorelievi i “Ushtarit Shqiptar” në Shkodër.
DÁRDH/Ë,~A f. sh. ~A, ~AT dhe ~Ë, ~ËT 1. bot. (lat. Pyrus communis) Dru frutor me gjethe gjatoshe, të ndritshme e me lule të bardha, që bën kokrra të tulta e të ëmbla, të zgjatura nga bishti e zakonisht me ngjyrë të verdhë kur piqen; kokrra e kësaj peme. Dardhë e butë. Një kokërr dardhë. Kush rri nën dardhë, i ha kokrrat. (fj. u.). Pemën, kur s’pjell, e presin, se i bën hije dardhës. (fj. u.). Një dardhë e ligë shkatërron një shportë të mirë. (fj. u.). Mollët qëroji, dardhat numëroi. (fj. u.). Dardhën e ndylkur e ha derri i çalë. (fj. u.). Dardha dhe sëpata e kanë bishtin nga prapa. ( fj. u.).
2. bot. Pjesë e parë e emërtimeve të pathjeshta për disa nga llojet e këtij fruti. Dardhë bishtje dardhë me bisht të zgjatur. Dardhë brumje dardhë që, kur piqet, bëhet e butë si brumë. Dardhë bulbe dardhë me tul të butë. Dardhë dimërore (dimërake) dardhë që piqet vonë, nga fundi i nëntorit ose që lihet për t’u ndulkur në dimër. Dardhë e egër gorricë. Dardhë elbje (elbore) dardhë korriku, që piqet në korrik, në një kohë me elbin. Dardhë gomari dardhë kokërrmadhe. Dardhë gramje dardhë gjatuke, që piqet në verë. Dardhë gurje dardhë me tul të fortë. Dardhë gjembje dardhë e egër. Dardhë mbytje dardhë me tul e me fije të trasha, që mezi përtypen. Dardhë miellëse dardhë me tul. Dardhë nguracake dardhë me tul të ashpër si rërë. Dardhë picigjatë dardhë gjatuke. Dardhë pikëse dardhë që i rrëzon kokrrat e pjekura. Dardhë qypje dardhë kokërrmadhe e me bisht të gjatë.
3. tek. Send në formë të zgjatur nga bishti, që i ngjan frytit të këtij druri. Dardhë gome me ujë. Dardhë prej kauçuku.
4. sport. Send prej plastike a prej lëkure, në trajtë të dardhës, i varur në gjysmëlartësi, me të cilën bën stërvitje boksieri; çanta e grushtimit.
♦ Kam rënë nën dardhë jam zënë ngushtë, jam në hall të madh. Ka rënë nga dardha (dikush) 1. E ka pësuar siç e ka merituar; ka vënë mend dhe e ka ulur kokën; ka rënë nga shtatë degët; e ka futur bishtin në shalë përb.; qen i rrahur përb. 2. Ka përvojë nga jeta, ka kaluar mjaft vështirësi e mundime dhe është mësuar a është kalitur, është i rrahur me jetën; ka rënë nga shtatë degët. Dardha në shënëndre! iron. gjepura, pallavra, mbroçkulla; punë boshe. Dardha nën dardhë bie (fj. u.) nuk ndryshon prej atij nga vjen, i ngjan paraardhësit, është, sillet a vepron si ai; bëmë baba të të ngjaj. Dardha e ka bishtin prapa (fj. u.) pasojat e një veprimi të keq a të një gabimi vijnë më pas, rrjedhojat vijnë pastaj. I do dardhat në *gojë (dikush) iron. (Është) në *fund të dardhës (dikush). Është poshtë dardhës (nën dardhë, në rrëzë të dardhës) (dikush) është pranë të mirave dhe përfiton prej tyre; e ka të lehtë të marrë gjënë më të mirë. Kërkon dardha nga boriga (dikush) shih kërkon thana (dardha) në shënëndre (në dimër) (dikush). Sillet rreth dardhës (dikush) i vjen rrotull më kot dikujt me shpresë se do ta ndihmojë; i hyn kot një pune e shpreson më kot se do të ketë përfitim prej saj.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë