Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
SËRMÁ,~JA f., vjet. 1. Fill i argjendtë a i artë për të qëndisur. Ka një jelek të punuar me sërma. Veshi fustanin e qëndisur me sërma. Punonte bukur me sërma.
2. Argjend. Zinxhir i larë me sërma. Në xhep mbante një sahat të larë me sërma. Unazën prej sërmaje e kishte kujtim nga e ëma.
✱Sin.: gjymysh, serm.
TEL,~II m. sh. ~A, ~AT 1. Fill a shufër shumë e hollë prej metali, që përdoret për të lidhur ose për të mbajtur diçka. Tel i hollë (i trashë). Tel çadre. Telat e biçikletës. Tel për të nderë rrobat. Uzina e telave. Tel bakri. Tel alumini. Rrjetë teli. Gardh me tela. Lidh telat e këputur. Këput telin me pincë. Lidh me tel. Tel me gjemba tel mbi rrethime, mbi mure repartesh a zonash ushtarake, tel për gardhe etj. që, si shenjë, tregon ndalim a pengim hyrjeje. Tel enësh fill teli shumë i hollë, i gjatë, i mbledhur në trajtë lëmshi a petashuqe, që përdoret për të larë enët që kanë zënë zhezhi.
2. Përcjellës elektrik i përbërë nga një a disa fije metalike të mbështjella me izolant. Tel i veshur. Tel elektriku. Tel telefoni (telegrafi).
3. Fill i hollë prej metali a prej një lënde tjetër, i cili i vihet një vegle muzikore. Telat e kitarës. Tela violine (mandoline, çiftelie, lahute). I vuri telat. U këput teli. U bie telave.
4. Fill shumë i hollë prej ari a prej argjendi, që përdoret për qëndisje; gjymysh. Këmishë me tela.
5. kryes. sh., vjet. Fije të holla e të praruara, me të cilat stolisnin nusen. Nuse me tela. Vuri telat u stolis si nuse. Tel shamaki (etnogr.) tel i grirë në thërrmija shumë të imëta, që i vihet nuses në fytyrë për zbukurim.
6. Mustaqe misri. Po u tha teli, misri do prerë.
7. vjet. Vijë për lidhje telefonike ose telegrafike; ndërlidhje telefonike ose telegrafike; telegram. Foli me tel. Erdhi teli. Hoqi një tel telegrafoi. I ra telit telegrafoi.
8. Telefon (përdorim familjar). Bjeri telit nga pasditja dhe takohemi.
9. Krimb i vogël në ngjyrë të kuqërreme që dëmton bimët e reja, kryesisht duhanin; telç, krimb duhani.
10. Litar, konop i shkurtër për të mbartur. Lidhi drutë me tel dhe i hodhi në sup.
11. fig. Inat, zemërim (nëpër shprehje). I janë bërë nervat tel është inatosur, zemëruar shumë. I ranë telat (dikujt) u qetësua, i iku inati, zemërimi.
12. si ndajf. Qartë; fill e për pe, shumë mirë. E di tel si qëndron e vërteta.
✱Sin.: fill, gjymysh, telegram, krimb, telç, litar, konop, inat, zemërim, qartë, mirë.
♦ *Akull me tel. Bën *birë në tel të çiftelisë (dikush) krahin. I bie *jongarit në një tel (dikush). I bie po atij teli (dikush) keq. shih i bie një (po atij) avazi (dikush) keq. I ranë telat (dikujt) mospërf. u qetësua, i iku inati, s’është më i zemëruar. M’u drodhën telat e zemrës u preka shumë, u mallëngjeva; e ndjeva thellë diçka. M’i gjeti (m’i preku) telat (dikush). 1. M’i zbuloi mendimet, dëshirat a dobësitë dhe më shfrytëzoi për të më bërë për vete, për të më bindur etj., di ku të më prekë; ma gjeti ku më dhemb a ku më pëlqen më shumë, më preku në pikën më të dobët; më preku në tela. 2. U soll me mua si e doja unë, ma bëri diçka si më pëlqente mua; ma gjeti zemrën. I gjetën telat (me njëri-tjetrin) e dinë ç’kanë të përbashkët në mendime, në dëshira etj. dhe merren vesh mirë, shkojnë mirë me njëri-tjetrin; janë lidhur ngushtë ndërmjet tyre dhe kuptohen mirë; u morën vesh për diçka, ranë në ujdi; puqën telat keq.; i poqën pipat keq.; i puqën pipëzat. E hëngri telin e skuqur (dikush) përçm. vulg. u ndëshkua ashpër për fajin që bëri. Është për t’i hedhur telat (dikush) është shumë e bukur, është si nuse e re (për vajza e gra); shtie hënën përdhe; të rrëzon nga kali. E ka mendjen tel (dikush) e ka gjykimin të kthjellët, ka kujtesë të shkëlqyer, nuk e ka lënë mendja; mendon e arsyeton me gjakftohtësi, qartë e me logjikë të shëndoshë; ka mendje të ftohtë; e ka mendjen akull. I ka lidhur telat (me dikë) bashkëpunojnë me njëri-tjetrin; kanë marrëdhënie të mira; kund. i ka prishur telat (me dikë). I luan telat (dikush). 1. Di si t’ia dalë një pune, e bën shumë mirë, e kryen me mjeshtëri, e qan; di si të veprojë në çdo rast, ia del për bukuri. 2. keq. shih e kthen (e ndërron) pllakën2 (dikush) keq. E luan në tel (dikë) e tall e ia hedh dikujt, e dredh e ia punon si do vetë, se është më i zoti a më i zgjuar se ai; bën si të dojë vetë me dikë, e vërtit si do vetë; e luan në litar; e sjell rrotull; e luan (e sjell) në majë të gishtit (të gishtave). I ndërron telat (dikush) keq. shih e kthen (e ndërron) pllakën2 (dikush) keq. Më preku në tela (dikush) shih m’i gjeti (m’i preku) telat1 (dikush). I ka prishur telat (me dikë) është grindur me dikë, nuk shkon mirë, nuk ka marrëdhënie të mira; kund. i ka lidhur telat (me dikë). I puqën telat (njëri me tjetrin) keq. shih i gjetën telat (njëri me tjetrin). Tel më tel majë më majë, thikë më thikë. E vë në tel (dikë) shih e luan në tel (dikë). Vë telat (dikush) iron. vonohet shumë dikush (si nusja kur vë telat për zbukurim).
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë