Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
EC/I vep., ~A, ~UR jokal. 1. Lëviz më këmbë në një drejtim. Ecën njeriu. Ecën kali (lopa, macja). Eci në rrugë (nëpër fushë, nëpër dhomë). Ecën shpejt (ngadalë). Ecën në majë të gishtave. Eci përpara (prapa, djathtas, majtas). Eci poshtë e lart. Ecte me zor. Ecim drejt malit. Eci gjunjas. Ecën si mbi vezë.
2. Lëviz me një mjet transporti ose mbi një kafshë (me kalë etj.). Eci me biçikletë (me motor, me makinë, me karrocë). Eci me kalë. Ecte me shpejtësi të madhe.
3. vet. v. III Lëviz, shkon diku (për një mjet transporti); përshkon një rrugë të caktuar. Ecën treni (makina, biçikleta). Ecën dyzet kilometra në orë. Ecën në rrugë të asfaltuar (në rrugë malore, mbi binarë).
4. vet. v. III Rrjedh (për ujin). Ecën uji. Ecën lumi (përroi).
5. vet. v. III, bised. Është në lëvizje a në veprim, punon (për një makineri). Motori ecën mirë.
6. vet. v. III. Kalon, ikën (për kohën). Ecën koha. Nuk ecte ora.
7. fig. Përparoj; zhvillohem. I ecën puna. Ecën bujqësia (industria). Ecën me këmbët e veta. Ecën me kohën. Ecën me të tjerët.
8. fig., bised. (me një trajtë të shkurtër të përemrit vetor). Më vete mbarë. Nuk më ecte. Atij i ecte gjithnjë. I ecën puna si sahat. I ecën biznesi.
9. fig., bised. Veproj siç më thotë dikush; shkoj. - Mos ec me ato që dëgjon poshtë e lart!
10. vet. v. III, fig., bised. Ka vlerë, shkon. Nuk ecën kjo para këtu.
11. vet. v. III, bised. Paguhet. Ecën dita. I ecën rroga.
12. bised. (në urdhërore) Shko. - Ec e pyete se ç’thotë?! - Ec e thuaji të vijë!
13. bised. (në urdhërore) Eja. - Ec me mua tani! - Ec lart, se kam një fjalë!
14. bised. Përdoret së bashku me një folje tjetër kur duam të tregojmë se është e pamundur të kryhet a të mos kryhet veprimi që shpreh folja e dytë. - Ec e mbushja mendjen atij! - Ec e fol me të, po deshe! - Ec e (mos) ia thuaj pastaj! - Ec e mos u nis pastaj!
15. Mund të lëviz a të shkoj diku (vepruesi nënkuptohet që është dikush në vetën e parë njëjës ose shumës, por është i pashprehur në fjali). Nuk mund të ecja më tej. Ishte e pamundur të ecnim.
✱Sin.: lëviz, shkoj, përshkoj, vete, çapit, qarkulloj, bares, rrjedh, kaloj, iki, punon, përparoj, zhvillohem, paguhet, eja.
♦ Ecën mbi *driza (dikush). Ecën (baret) pa *fener (dikush) keq. I ecën (i shkon, i dëgjohet, i zë vend) *fjala (dikujt). Më ecën (më shkon, më vete) *fjollë (diçka). Ecën drejt *greminës (dikush). Eci mbi *gjemba. Eci (shkoj) pas *gjurmëve (të dikujt). Eci në një *hap (me dikë) Ecën drejt *hundës (së vet) (dikush). Ec me *karvanin (dikush). Ecën me *kohën (dikush). I ecën (i shket) *pena (dikujt). Ecën (vete) *sahat (diçka). Ecën mbi *vezë (dikush). I ecën *zari (dikujt).
GJÚNJAZI ndajf. Gjunjas. Bie gjunjazi. Rri gjunjazi.
✱Sin.: mëgjunjazi, kalagjunjazi, pupas.
►HÍQEM jovep., HÓQA (u), HÉQUR 1. vetv. Shkoj nga një vend në një vend tjetër, zhvendosem e ndërroj vendin, largohem nga vendi ku kam qenë. Hiqen anash (mënjanë, prapa). U hoq deri te dritarja (te dera).
2. keq., vetv. Largohem, shporrem. Hiqu andej! M'u hiq që këtu! Pa m'u hiq njëherë!
3. vetv. Kapem pas diçkaje e lëviz pa u ngritur peshë; tërhiqem, zvarritem. Fëmija hiqej pas fustanit të nënës. Hiqej pas murit. Hiqen pas tokës. Hiqet si gjarpri. Hiqet zvarrë (rrëshqanë, barkas, ijas).
4. bised., vetv. Shpërngulem nga një vend për t'u ngulur në një vend tjetër. U hoqën nga qyteti (nga fshati). U hoq që këtej. Janë hequr andej prej shumë vjetësh.
5. fig., vetv. Largohem nga diçka, i shmangem diçkaje; vet. v. III del jashtë diçka, zhduket. I hiqet sherrit. Hiqjuni asaj pune! mos u merrni me atë punë! Nuk më hiqet nga mendja. Të luftohen e të hiqen nga koka idetë e shtrembra (të gabuara).
6. bised., vetv., vet. v. III Përdoret, blihet a shitet shumë diçka, shkon; pëlqehet. Rakia (birra, vera) hiqej shumë. Ky stof (kjo ngjyrë) hiqet më shumë. Mollët e thara nuk hiqeshin aq.
7. vetv. E mbaj veten për dikë, mbahem, e quaj veten, shtirem. Hiqej i zgjuar (i ditur). Hiqej për i madh (për i zoti). Hiqej filozof. Hiqej i sëmurë. Hiqej si mik. Hiqet si shpëtimtar. Hiqen sikur punojnë shumë. Hiqet sikur i di të gjitha. Hiqet sikur nuk kupton. Pse më hiqesh kështu?
8. vetv. Dobësohem, tretem (kryesisht në fytyrë). Është hequr fëmija. Janë hequr bagëtitë. Në verë hiqet ca.
9. vetv., vet. v. III Ndërzehet, ndiqet. Hiqet pela. Hiqen lopët (macet, qentë). Hiqet dhelpra.
10. bised., vetv. Shkoj, eci; drejtohem diku. Hiquni udhës lart! Hiqu e shih njëherë!
11. pës. e HÉQ. Hiqen nga shitja. Hiqet nga rendi i ditës. Hiqet urdhri (kërkesa). I hiqet ushqimi. U hiqen mundësitë. I hiqet një vërejtje.
✱Sin.: tërhiqem, largohem, zhvendosem, shpërngulem, zvarritem, shmangem, përdoret, blihet, shitet, pëlqehet, shtirem, tretem, dobësohem, ndërzehet, ndiqet, drejtohem.
♦ S’të hiqet nga *dera (dikush). Hiqet *gjunjas (dikush). S’më hiqet nga *koka. I hiqet *llafi (dikujt). Nuk më hiqet (nuk më shkulet, nuk më shqitet) nga *mendtë (dikush a diçka). Nuk më hiqet (nuk më shqitet) nga *mendja (dikush a diçka). Hiqet *mënjanë (dikush). As hiqet e as ngitet (dikush) shih as lidhet e as zgjidhet (dikush). M’u hiq *qafe! (hiqmu qafe!). S’më hiqet nga *rruga (nga udha) (dikush a diçka). Hiqmu (shporrmu) nga *sytë (sysh)!
MËGJÚNJAZI ndajf. Gjunjas. Qëndroi mëgjunjazi. Ra (u ul) mëgjunjazi. Zvarritet mëgjunjazi.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë