Fjalori

Rezultate në përkufizime për “gjuhëlidhur”

Mëso si ta përdorësh
<<< Kthehu te kërkimi kryesor në fjalor

BUZËKYÇUR

BUZËKÝÇUR mb. 1. I heshtur, gojëmbyllur, që nuk flet fare, që s’e hap gojën. Rrinte e qetë dhe ishte buzëkyçur.
2. Gojëkyçur, që nuk nxjerr të fshehtë nga goja, pus i thellë. Dëshmitarë buzëkyçur.
3. fig. I dëshpëruar, i pikëlluar. Ishte bërë buzëkyçur nga fatkeqësia.
✱Sin.: gojëkyçur, gojëmbyllur, gojëlidhur, gojëzënë, gojëqepur, gojëmbërthyer, gjuhëlidhur, i pafjalë, i pagjuhë, i heshtur.

BUZËKYÇUR

BUZËKÝÇUR ndajf. Pa folur fare, pa hapur gojën, gojëkyçur, gojëmbyllur, gjuhëlidhur. Rrinte buzëkyçur. Heshtte buzëkyçur.

GJUHËLIDHUR

GJUHËLÍDHUR ndajf. Pa folur, gojëmbyllur. Rrinte gjuhëlidhur.

GOJËKYÇUR

GOJËKÝÇUR mb. 1. Që nuk flet shumë, që zakonisht hesht, gojëmbyllur; që e ruan një të fshehtë, që nuk i tregon asnjëriut.
2. si ndajf. Gojëmbyllur. Rri gojëkyçur. Mbeti (qëndroi) gojëkyçur.
✱Sin.: gojëmbyllur, fjalëpakë, gjuhëlidhur.

GOJËMBYLLUR

GOJËMBÝLLUR mb. Që flet pak; që e ruan një të fshehtë; i heshtur.
✱Sin.: fjalëpakë, gjuhëlidhur, gojëkyçur.

PAFJALË

PAFJÁLË (i, e) mb. 1. Që flet pak, që është i kursyer në fjalë, fjalëpakë.
2. Që është i bindur e i dëgjueshëm, që nuk kthen fjalë; që nuk ka kërkesa të tepruara, kokulur. Djalë (punëtor) i pafjalë.
3. Që është i sjellshëm e me qëndrim të mirë moral. Vajzë e pafjalë.
4. libr. Që nuk flet, që nuk ka gjuhë, i pagjuhë (në kundërvënie me njeriun). Krijesë (qenie) e pa fjalë.
5. Që nuk përbëhet nga fjalët tingullore (për gjuhën). Gjuhë e pafjalë.
✱Sin.: fjalëpakë, i pagjuhë, i heshtur, gojëmbyllur, gojëkyçur, gojëlidhur, gjuhëlidhur, i bindur, i dëgjueshëm, kokulur, i papërfolur.

PËRMBAJTUR

PËRMBÁJTUR (i, e) mb. 1. Që është i aftë ta përmbajë veten në rrethana të ndryshme, që vepron me maturi e pa u nxituar; që nuk i shfaq menjëherë ndjenjat (zemërimin, gëzimin etj.). Njeri i përmbajtur.
2. Që është veti e një njeriu që di të përmbahet; që nuk shfaqet me forcë e në mënyrë tepër të dukshme, që nuk bie në sy a që nuk tërheq vëmendjen e të tjerëve. Karakter i përmbajtur. E qeshur (qeshje) e përmbajtur. Me fjalë të përmbajtura. Lëvizje të përmbajtura. Me një gëzim të përmbajtur.
✱Sin.: i matur, i arsyeshëm, i përmbledhur, i mbledhur, i përkorë, i përkormë, i mbajtur, i rezervuar, i urtë, gjakftohtë, gjuhëmbajtur, gjuhëshkurtër, fjalëpakë, fjalëpaktë, fjalëkursyer, gjuhëlidhur, gojëkyçur, gojëmbyllur, gjuhëzënë, i durueshëm, i kontrolluar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë