Fjalori

Rezultate në përkufizime për “gjindshëm”

Mëso si ta përdorësh
<<< Kthehu te kërkimi kryesor në fjalor

GJENDSHËM

GJÉNDSH/ËM (i), ~ME (e) mb. Që është i gatshëm për të ndihmuar të tjerët; i gjendur. Shërbim i gjendshëm kudo.
✱Sin.: i gjendur, i gjindshëm, i pakursyer, ndermirë, nderbërës.

GJENDUR

GJÉNDUR (i, e) mb., bised. Që e ndihmon tjetrin kur ka nevojë, që është i gatshëm për të ndihmuar të tjerët, që i gjendet pranë një tjetri në rast nevoje. Njeri i gjendur. I gjendur përballë vështirësive.
✱Sin.: i gjindshëm, i gjendshëm, i pakursyer, ndermirë, nderbërës.

GJINDSHËM

GJÍNDSH/ËM (i), ~ME (e) mb. Që e ndihmon tjetrin kur ka nevojë; i gjendur. Njeri i gjindshëm.
✱Sin.: i gjendur, i pakursyer, nderbërës.

GJINDËS

GJÍNDËS,~E mb. Që është i gjindshëm; i gatshëm të ndihmojë. Njeri gjindës.

GJINDËS

GJÍNDËS,~I m. sh. ~, ~IT Ai që është i gjindshëm; ai që është i gatshëm të ndihmojë. Gjindësi të del gjithmonë krah.

NDERBËRËS

NDERBË́RËS,~E mb. Që u bën të mira e shërbime të tjerëve në çdo rast, i gjindshëm.
✱Sin.: i gjindshëm, i gjendur.

NDERBËRËS

NDERBË́RËS,~I m. sh. ~, ~IT Ai që u bën të mira e shërbime të tjerëve në çdo rast, ai që është i gjindshëm. Nderbërësi u prit ngrohtë nga komuniteti.

NDERMIRË

NDERMÍRË mb. Që tregohet shumë i gjindshëm e i dhënë me të tjerët. Bëhet ndermirë me gjënë e huaj. Janë ndermirë si familje.
✱Sin.: nderbërës, ndihmëqar, i gjindshëm, i gjendur, i dhënë.

NDIHMËQAR

NDIHMËQÁR,~E mb. Që është ndermirë, i gjindshëm.
✱Sin.: nderbërës, i gjindshëm, i gjendur, i dhënë, ndermirë.

NDIHMËQAR

NDIHMËQÁR,~I m. sh. ~Ë, ~ËT 1. Njeri ndermirë, njeri i gjindshëm.
2. Që ndihmon a që përkrah dikë, zakonisht në një veprim të keq. Mos u bëj ndihmëqar për keq.

PAGJINDSHËM

PAGJÍNDSH/ËM (i), ~ME (e) mb. Që nuk është i gjindshëm; i ftohtë; që nuk ndihmon njeri; kund. i gjindshëm. Njeri i pagjindshëm.

PAKURSYER

PAKURSÝER (i, e) mb. 1. Që u gjendet të gjithëve, që i ndihmon të tjerët në çdo rast me çdo gjë që ka, që nuk është dorështrënguar; kund. i kursyer.
2. Që është gjithnjë i gatshëm dhe i papërtuar për të bërë një punë të vështirë, që nuk e kursen veten; kund. i kursyer. Njeri i pakursyer. Punëtor (specialist) i pakursyer.
3. Që jepet me gjithë zemër e pa kufizim; që bëhet pa mbajtur rezerva; kund. i kursyer. Ndihmë e pakursyer. Përkrahje e pakursyer. Përpjekje e pakursyer.
✱Sin.: i gjendur, i gjindshëm, bujar, dorëdhënë, dorëdhënës, dhënës, dorëzgjidhur, i papërtueshëm, i papërtuar, i palodhshëm, dorëlirë, dorëhapur, dorëhapët, dorëhapës, dorëzgjidhur, dorëlëshuar, dorëshpuar, dorëgjerë, i gatshëm, punështruar, i çiltër.

PËRPJEKUR

PËRPJÉKUR (i, e) mb. 1. Që përpiqet e punon shumë, që përpiqet t’ua dalë në krye punëve sa më shpejt; i zoti, i shkathët e i hedhur në punë e në jetë, çalltor, çallëstiar. Djalë (njeri) i përpjekur. I rrekur e i përpjekur, më mirë gjallë se i vdekur. (fj. u.).
2. Që përpiqet shumë për të tjerët, që nuk rri duarlidhur kur i drejtohen të tjerët për t’u zgjidhur ndonjë çështje, për t’u plotësuar ndonjë nevojë etj.
3. I bashkuar, i përputhur, i puqur. Dërrasa të përpjekura. Pllaka të përpjekura. Tjegulla të përpjekura.
✱Sin.: i zoti, i shkathët, punëtor, i hedhur, i çallëstiar, çalltor, i çalltisur, i çallëstisur, i gjendur, i gjindshëm, i bashkuar, i përputhur, i puqur.

PËRVOJSHËM

PËRVÓJSH/ËM (i), ~ME (e) mb. Që ka shumë përvojë. Punëtor i përvojshëm. Lojtar i përvojshëm. Njohja e jetës njerëzore e bën shumë më të përvojshëm, më të gjindshëm.
✱Sin.: përvojor, përvojësor, përvojëgjatë, përvojëmadh.

ZGRIPËT

ZGRÍPËT (i, e) mb. 1. I cekët, jo shumë i thellë. Gropë e zgripët. Pus i zgripët. Vijë uji e zgripët. Rrudhë e zgripët.
2. Që rron me kursim të madh sepse nuk ka; shumë i kursyer. Jetë (jetesë) e zgripët. Pleqëri e zgripët. Sa njeri të zgripët e dija, aq bujar e i gjindshëm më doli.
3. fig. Shumë i matur, i përmbajtur; që nuk flet a nuk vepron pa i matur e pa i peshuar mirë gjërat, shumë i kursyer në fjalë etj., i ka mendtë në kokë Është aq i heshtur dhe i zgripët në shoqëri.
✱Sin.: i cekët, i kursyer, kursimtar, i përmbajtur, i matur.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë