Fjalori

Rezultate në përkufizime për “gjethësohet”

Mëso si ta përdorësh
<<< Kthehu te kërkimi kryesor në fjalor

GJETHNOHET

►GJETHN/ÓHET jovep., ~ÚA (u), ~ÚAR vetv. Mbushet me gjethe të reja; gjethon. Bima gjethnohet në pranverë.
✱Sin.: gjethësohet, gjethohet.

GJETHOHET

►GJETH/ÓHET jovep., ~ÚA (u), ~ÚAR vetv., vet. v. III Mbulohet me gjethe të reja, lëshon gjethe të reja. U gjethuan drurët.
✱Sin.: gjethësohet, gjethet, ngjethet, dushkohet.

NGJETHET

NGJÉTH/ET jovep., ~ (u), ~UR vetv. 1. Lëshon gjethe, vishet me gjethe. U ngjeth mali. U ngjethën plepat. U ngjeth hardhia.
2. fig. Përtërihet, këndellet. Ngjethet natyra në pranverë.
✱Sin.: gjethon, gjethet, gjethëron, gjethësohet, gjethëson, lulëzon, përtërihet, këndellet.

ZHGJETHËSOHET

ZHGJETHËS/ÓHET jovep., ~ÚA (u), ~ÚAR bot., vetv., vet. v. III Shkundet nga gjethet, u bien gjethet (pemëve, drurëve), zhvishen prej gjetheve. U bien gjethet pemëve; kund. gjethësohet. U zhgjethësuan drurët (pyjet). Në pranverë çel e gjelbërohet, por në dimër zgjethësohet dhe ngjan si i vdekur. Ahishtja e vjetër ende nuk ishte zgjethësuar, ndonëse frynte erë e ftohtë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë