Fjalori

Rezultate në përkufizime për “gjembor”

Mëso si ta përdorësh
<<< Kthehu te kërkimi kryesor në fjalor

CIFUR

CIFÚR,~I m. sh. ~E, ~ET bot. (lat. Picris) Bimë barishtore një- a dyvjeçare, me kërcell gjembor deri 90 cm të lartë, me gjethe të gjata dhe me lule të verdha që mbushen me push kur zënë farë; bresa e egër.

FERRACAK

FERRACÁK,~E mb. 1. Që është me gjemba, që ka ferra. Preu disa shkurre ferracake.
2. fig., bised. Që nuk të shqitet, që të bëhet ferrë. Njeri ferracak.
✱Sin.: ferrës, gjembor.

FERRËS

FÉRRËS,~E mb. Që është me gjemba; që ka ferra, ferracak. Shkurre (bimë) ferrëse.
✱Sin.: ferracak, gjembor.

GJEMBAK

GJEMBÁK,~E mb. Gjembash. Bimë gjembake. Gjethe gjembake pa push.
✱Sin.: gjembash, gjembor, gjembaç.

GJEMBASH

GJEMBÁSH,~E mb. Që ka gjemba, me gjemba. Bimë gjembashe.
✱Sin.: gjembak, gjembaç, gjembor.

GJEMBAÇ

GJEMBÁÇ,~E mb. Gjembak. Bimë gjembaçe.
✱Sin.: gjembash, gjembor.

GJEMBAÇ

GJEMBÁÇ,~I m. sh. ~Ë, ~ËT 1. bot. (lat. Carduus nutans) bimë e egër barishtore me kërcell të drejtë, me gjethe të zgjatura e me gjemba të fortë, me lule si boçe ngjyrëvjollcë; rrëfeshk; ferreckë; gjemb gomari. Farat e gjembaçit janë shumë të mira për të tretur gurët në veshka.
2. Pjesë e parë e emërtimeve të pathjeshta për disa lule të egra dhe me gjemba. Gjembaç cergar. Gjembaç i bardhë. Gjembaç i gomarit. Gjembaç i kënetës. Gjembaç i ngrënshëm. Gjembaç i pakërcell. Gjembaç i temjanit. Gjembaç i verdhë. Gjembaç i zbehtë. Gjembaç kunjor. Gjembaç lakror. Gjembaç leshtor. Gjembaç rruzullor. Gjembaç zhardhokor. Gjembaç i qumështit barishte e rekomanduar për shëndetin e mëlçisë në gjithë botën.
3. Zgjatim i fortë e me majë të mprehtë; gjemb.
4. zool., bised. Iriq.
✱Sin.: rrëfeshk, ferreckë, gomarth, gjemb, gjembor.

GJEMBOR

GJEMBÓR, ~E mb. 1. bot. Që ka gjemba, me gjemba. Shkurre gjembore. Kërcell gjembor.
2. Që është mbuluar me ferra e me gjemba. Vend gjembor.
3. Që ka trajtën e një gjembi, që është si gjemb. Zgjatime gjembore.
✱Sin.: gjembaç, gjembak, gjembash, i gjembtë.

GJEMBTË

GJÉMBTË (i, e) mb., kopsht. Që ka gjemba; gjembor. Dardhë e gjembtë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë