Fjalori

Rezultate në përkufizime për “gjarpërushe”

Mëso si ta përdorësh
<<< Kthehu te kërkimi kryesor në fjalor

GJARPËRUSH

GJARPËRÚSH,~E mb. Që është si e përdredhur; gjarpëror; gjarpërues. Rrugë gjarpërushe. Kthesë gjarpërushe. Kllapa gjarpërushe.
✱Sin.: gjarpëror, gjarpërues, dredhor, dredhues, dredhak, dredhacak, dredhalak, dredharak, i dredhur, i lakuar.

GJARPËRUSHE

GJARPËRÚSH/E,~JA f. sh. ~E, ~ET 1. Femra e gjarprit. Gjarpërushe pikëlore.
2. fig., keq. Grua zemërligë e ngatërrestare, nepërkë. Sillej si gjarpërueshe.
3. poet., hist. Kobure me tytë të gjatë që është përdorur deri në shek. XIX. Koburja e përdorur është një gjarpërushe e zbukuruar me argjend.
✱Sin.: nëpërkë, zemërligë, ngatërrestare.

NEPËRKË

NEPË́RKË,~A f. sh. ~A, ~AT 1. zool. (lat. Vipera) Gjarpër helmues, me kokën të shtypur në trajtë trekëndëshi, me trupin të mbuluar nga luspa me ngjyra të ndryshme, me dy dhëmbë në gojë dhe me bisht të shkurtër. Nepërkë e shkruar. Nepërkë pika-pika. Nepërkë shullëri. Helmi i nepërkës. Fishkëllima e nepërkës.
2. fig. Njeri shumë i keq e i pabesë; njeri shumë i djallëzuar e tinëzar; njeri që e ka gjuhën të hidhur e të mprehtë, që të ther e të helmon me fjalë. Është një nepërkë e keqe. E kishte nusen nepërkë.
3. Pjesë e parë e disa emërtimeve të llojeve të ndryshme të nepërkave. Nepërka e malit (lat. Vipera berus). Nepërka e malit me zigzake (lat. Vipera ursinii). Nepërka me bri (lat. Vipera amodytes).
✱Sin.: rrëshajë, buç, shlligë, gjarpër, rrëshajë, i djallëzuar, tinëzar, i keq, i lig, dinak, i pabesë, i zoti, gojëkeq, gjuhënepërkë, gjuhustër, gjarpërushe, zemërligë, ngatërrestare.
♦ Nepërkë me dy koka keq. njeri shumë i keq, i pabesë e i rrezikshëm, njeri që të bën të keqen më të madhe; gjarpër me zile keq.; qelb nën thua. Nepërkë shullëri (e shkruar) poet. grua shumë e bukur e lozonjare.

NGATËRRESTAR

NGATËRRESTÁR,~I m. sh. ~Ë, ~ËT Njeri që përzihet në punët e të tjerëve për t’i ngatërruar, ai që shtie përçarje e grindje në mes të tjerëve; intrigant. Është ngatërrestar i madh. Ngatërrestari i futi në grindje dy shokët.
✱Sin.: furacak, futësak, shtiakeq, trazovaç, turbullues, llafazan, ngatërrimtar, intrigant, pishëvënë, pishëndezës, kallëkeq, kunjamadh, grindavec, hundëspec, thumbamadh, spicar, spicëtar, spicëmadh, ndezakeq, fjalëkeq, thumbaxhi, sherrmadh, belamadh, sherrak, sherrxhi, sherrbudalla, sherret, ngallicë, garuzhdë, belaqar, xhagajdur, grifshë, zemërligë, gjarpërushe, nepërkë, xhadë, bisbiq.

RRËSHAJË

RRËSHÁJ/Ë,~AI f. sh. ~A, ~AT zool. Nepërkë. Shihte rrëshajat si rrëshqisnin.
✱Sin.: rrëshajëz, gjarpër, gjarpërushe, buç, shlligë.

RRËSHAJËZ

RRËSHÁJËZ,~A f. sh. ~A, ~AT zool. Rrëshajë, nepërkë. Fishkëllimë rrëshajëze.
✱Sin.: gjarpër, gjarpërushe, buç, shlligë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë