Fjalori

Rezultate në përkufizime për “gjallërishëm”

Mëso si ta përdorësh
<<< Kthehu te kërkimi kryesor në fjalor

GJALLËRISHËM

GJALLËRÍSH/ËM (i), ~ME (e) mb. Që ka gjallëri; që vepron me gjallëri. Mjedis i gjallërishëm. Kishte një trup të gjallërishëm.

MILITOJ

MILIT/ÓJ vep., ~ÓVA, ~ÚAR libr., jokal. 1. Marr pjesë dhe zhvilloj një veprimtari të gjallë në radhët e një partie a të një organizate, luftoj me vendosmëri si militant i një partie a një organizate. Kishte kolegë që militonin në një parti opozitare. Militon në favor të kauzës sonë. Sot në organizatën e veteranëve militojnë të rinj e të moshuar.
2. fig., vet. v. III Lufton fort për arritjen e një qëllimi të lartë. Ajo militon në favor të arsimimit të gruas. Ata milituan për një laicitet modern.
3. fig., vet. v. III Vepron me fuqi të madhe (diçka), është i gjallërishëm dhe aktiv, gëlon. Njoh psikologjinë që militon në mesin e shqiptarëve.
4. sport., vet. v. III Ushtron veprimtarinë në një klub sportiv, në një federatë a në një kategori sportive të futbollit. Në atë skuadër militojnë yje të futbollit. Klubi i futbollit të qytetit militon në kategorinë e tretë. Ai u ngjit të superligë dhe vazhdon të militojë në këtë kategori edhe sot.

NATYRËZOJ

NATYRËZ/ÓJ vep., ~ÓVA, ~ÚAR kal. I jap diçkaje karakter natyror, e bëj të ngjashëm me natyrën; kund. çnatyrëzoj. Një shkëlqesë diellore, e përndriti Gjirokastrën dhe e natyrëzoi gjallërishëm. E natyrëzuan ambientin me gjithfarë gjërash natyrale.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë