Fjalori

Rezultate në përkufizime për “gjakbërës”

Mëso si ta përdorësh
<<< Kthehu te kërkimi kryesor në fjalor

GJAKATAR

GJAKATÁR,~E mb. Që është i etur për gjak; që i ka lyer duart me gjak, që bën vrasje e gjakderdhje; që mbështetet në shtypjen e egër, në dhunë e në vrasje; i egër, i pamëshirshëm. Dorë gjakatare. Njeri gjakatar e i kobshëm.
✱Sin.: gjakësor, mizor, i përgjakshëm, gjakbërës, gjakderdhës, barbar, çnjerëzor, bishë.

GJAKATAR

GJAKATÁR,~I m. sh. ~Ë, ~ËT 1. Ai që është i etur për gjak; vrasës a gjakderdhës. Gjakatarët po sundonin vendin.
2. Ai që mbështetet në shtypje, në dhunë e në vrasje. Gjakatarët janë tërbuar.
✱Sin.: gjakësor, mizor, gjakbërës, gjakderdhës, barbar, bishë.

GJAKBËRËS

GJAKBË́RËS,~I m. sh. ~, ~IT 1. Ai që ka vrarë dikë, vrasës, gjakësor. Ishte gjakbërës i frikshëm.
2. etnogr. Njeri që i fut të tjerët në hasmëri; ai që i fut njerëzit në gjak.
✱Sin.: vrasës, gjakësor.

GJAKDERDHËS

GJAKDÉRDHËS,~I m. sh. ~, ~IT Gjakbërës, vrasës. Gjakderdhësit e betejës së përgjakshme.

GJAKËS

GJÁKËS,~EI mb. Gjakatar, gjakësor. Njeriu gjakës vret viktimën.
✱Sin.: gjakatar, gjakësor, gjakbërës, gjakderdhës, mizor, i përgjakshëm, barbar, i egër, çnjerëzor, bishë.

MIZOR

MIZÓR,~E mb. 1. Që sillet në mënyrë shumë të egër e të pamëshirshme me njerëzit, që kënaqet kur i bën të tjerët të vuajnë, zemërgur; i pashpirt; që është veçori e një njeriu të tillë. Njeri mizor. Mbret mizor. Ushtri mizore. Me shpirt mizor. Me fytyrë (me pamje) mizore. Me sy mizorë.
2. Që të kall tmerr, i tmerrshëm; që është plot mizori, i përgjakshëm. Luftë mizore. Vdekje mizore. Botë mizore.
3. Që është përdorur nga një vrasës, që përdoret për të vrarë njerëzit; vrastar. Armë (pushkë) mizore.
✱Sin.: i egër, i ashpër, pamëshirshëm, i pashpirt, zemërgur, zemërqen, shpirtegër, i tmerrshëm, shpirtmizor, tiran, barbar, sadist, xhelat, shtazarak, bishë, bishar, çnjerëzor, gjakatar, vrastar, gjakbërës, i përgjakshëm.

VRASËS

VRÁSËS,~I m. sh. ~, ~IT 1. Ai që vret një tjetër, ai që bën një a disa vrasje, njerivrasës; gjakësor. Vrasës i paguar. Vrasës me pagesë. Fytyrë prej vrasësi. Vrasësi iku në drejtim të paditur. Arma e vrasësit ishte një armë e ftohtë. E kapën (e dënuan) vrasësin). Vrasës masiv person i cili vret një numër të madh njerëzish në një incident të vetëm. Vrasës serik person i cili kryen një numër të madh të vrasjeve gjatë një periudhe të caktuar kohore.
2. fig. Xhelat, njeri gjakatar, i pamëshirshëm, tiran, mizor. Me shpirt vrasësi. Ai kishte një palë sy prej vrasësi. Vrasësit e popujve. Vrasësit e të pafajshmëve.
✱Sin.: njerivrasës, doras, gjakës, gjakësor, gjakatar, gjakbërës, vrastar, katil, kriminel, mizor.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë