Fjalori

Rezultate në përkufizime për “gazmoj”

Mëso si ta përdorësh
<<< Kthehu te kërkimi kryesor në fjalor

ARGËTOJ

ARGËT/ÓJ vep., ~ÓVA, ~ÚAR kal. 1. E bëj dikë të kalojë kohën në mënyrë të këndshme e të gëzueshme; zbavit, dëfrej. Argëtoj fëmijët në kopsht. E argëtoj me muzikë.
2. E ledhatoj, përkëdhel. Argëton fëmijën.
3. Përjetoj kënaqësi duke marrë pjesë në një shfaqje a ngjarje të gëzueshme.
4. jokal. Argëtohem.
✱Sin.: zbavit, dëfrej, gazmoj, loz, kënaq, ledhatoj, përkëdhel.

GAZMOJ

GAZM/ÓJ vep., ~ÓVA, ~ÚAR 1. kal. E gëzoj shumë dikë. Gazmoj prindërit (nënën, shokët). Të gazmoj me gas paqtor.
2. jokal. Mbushem me gëzim e hare, më qesh zemra, gëzoj. Gazmon nusja.
3. jokal., vet. v. III Ka gëzim e hare; buçet nga kënga e gëzimet. Gazmon vendi. Gazmon shtëpia. Hanë mirë e nisin të gazmojnë e të kuvendojnë.

NGAZËLLOHEM

►NGAZËLL/ÓHEM jovep., ~ÓVA (u), ~ÚAR 1. vetv. Ndiej një gëzim të thellë për diçka; shfaq një gëzim të madh. Ngazëlloheshin për fitoren. Me ta parë ajo u ngazëllua shumë. Ngazëllohem për arritjet e tua.
2. pës. e NGAZËLLÓJ. U ngazëlluan të gjithë nga ky lajm.
✱Sin.: ngazëllehem, gëzohem, galdohem, galdoj, gazmoj, shendohem.

NGAZËLLOJ

NGAZËLL/ÓJ vep., ~ÓVA, ~ÚAR kal. 1. E gëzoj shumë dikë, i ngjall një gëzim të madh. Hapja e tunelit i ngazëlloi. I ngazëllon puna ndërtimtare. Dhurata do ta ngazëllojë nënën.
2. jokal. Gëzohem thellë për diçka, më rrëmben hareja; më duket nga jashtë gëzimi i madh që ndiej përbrenda. Ngazëllojnë zemrat. U ngazëllonin fytyrat (sytë). Le të ngazëllojnë të gjithë! Ngazëllon gjithë vendi.
✱Sin.: gëzoj, shendoj, gëzohem, galdoj, ngazëllej, gazmoj.

SHENDOJ

SHEND/ÓJ vep., ~ÓVA, ~ÚAR kal dhe jokal. Ndiej apo tregoj gëzim, bëhem shend e verë, ngazëlloj. I shendoi fëmija. - Këndoni e shendoni! Shendonin edhe pallatin me harenë e tyre.
✱Sin.: ngazëlloj, galdoj, gazmoj, gëzoj, kënaq.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë