Fjalori

Rezultate në përkufizime për “gazetaresk”

Mëso si ta përdorësh
<<< Kthehu te kërkimi kryesor në fjalor

ANTIPROFESIONALIZËM

ANTIPROFESIONALÍZ/ËM,~MI m. sh. ~MA, ~MAT 1. Të qenët kundër profesionalizmit; mospërgatitje e duhur për të ushtruar një veprimtari; mosqenia mjeshtër në një profesion, që sjell dëme të mëdha në punë; kund. profesionalizëm. Antiprofesionalizëm i shprehur (i mirëfilltë). Antiprofesionalizëm gazetaresk.
2. Veprim, qëndrim, qasje, sjellje antiprofesionale. Antiprofesionalizëm i dukshëm. Shembull i antiprofesionalizmit. Antiprofesionalizmi dëmton cilësinë dhe përparimin e punës.

GAZETARESK

GAZETARÉSK,~E mb. Që lidhet me gazetarinë, që i përket gazetarisë. Shkrim gazetaresk. Kodi i mirësjelljes apo etikës gazetareske.

ÇMPRIHEM

►ÇMPR/ÍHEM jovep., ~ÉHA (u), ~ÉHUR 1. vetv., vet. v. III Humbet mprehtësinë e tehut a të presës, i thyhet tehu a presa; mpihet; kund. mprihem. Çmprihet sëpata (thika). Pas ca prerjesh çmprihet sëpata.
2. vetv., vet. v. III, fig. Humbet mprehtësinë a tendosjen. Gjykimi yt nuk mund të çmprihet. Tehu gazetaresk çmprihet nëse nuk shkon tek ngjarja.
3. vetv., fig. Tërhiqem nga diçka për të cilën isha gati dhe e dëshiroja shumë.
4. pës. e ÇMPRÉH.
✱Sin.: mpihem, topitem, çallatohem, shtendosem, tërhiqem.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë