Fjalori

Rezultate në përkufizime për “gazetare”

Mëso si ta përdorësh
<<< Kthehu te kërkimi kryesor në fjalor

ARTIKULLSHKRUESE

ARTIKULLSHKRÚES/E,~JA f. sh. ~E, ~ET Ajo që shkruan një artikull, autorja e një artikulli. Artikullshkruesja është gazetare e shquar.

FLETORARE

FLETORÁR/E,~JA f. sh. ~E, ~ET vjet. Gazetare. Takoi fletoraren e vjetër.

FOTOGAZETARE

FOTOGAZETÁR/E,~JA f. sh. ~E, ~ET Gazetare që pasqyron a raporton një ngjarje me anë të fotografive. Fotogazetare e njohur.

GAZETARE

GAZETÁR/E,~JA f. sh. ~E, ~ET Punonjëse e një gazete a reviste, që shkruan e redakton artikuj të ndryshëm për shtypin ose përgatit e drejton emisione të ndryshme në radio, në televizion a online. Gazetare e televizionit. Gazetare për kulturën (për politikën, për çështje sociale, për sportin).

KORRESPONDENTE

KORRESPONDÉNT/E,~JA f. sh. ~E, ~ET Gazetare e shtypit a e medias, që është punësuar në një mjet informimi për marrje dhe transmetim lajmesh. Korrespondente e televizionit.
2. si mb. Që është punonjëse e medias. Gazetare korrespondente.

KRONISTE

KRONÍST/E,~JA f. sh. ~E, ~ET Gazetare që merret me lajme të kronikës; autore kronikash.

LAJMDHËNËSE

LAJMDHË́NËS/E,~JA f. sh. ~E, ~ET 1. Punonjëse a bashkëpunëtore e një agjencie telegrafike, e një gazete, e radios, e televizionit, e portaleve elektronike ose e një organi tjetër, e cila dërgon lajme e artikuj nga vendi ku ndodhet; korrespondente. Foli në telefon me lajmdhënësen.
2. Ajo që jep lajmet në radio, në televizion, internet, folëse e radios a e televizionit. Lajmdhënësja dukej e shqetësuar, ngjarja që kishte ndodhur ishte e rëndë, edhe dhënia e lajmit e tillë ishte.
✱Sin.: folëse, informuese, gazetare.

LAJMSHKRUESE

LAJMSHKRÚES/E,~JA f. sh. ~E, ~ET Ajo që shkruan lajme, ajo që përgatit lajme, ajo që shkruan njoftime, gazetare. Lajmshkruesja po i hidhte një sy tekstit.

OPINIONBËRËSE

OPINIONBËRËS/E,~JA f. sh. ~E, ~ET libr. Ajo (gazetare, intelektuale, figurë publike, artiste, analiste etj.) që ka ndikim të madh në formimin, në orientimin ose në ndryshimin e opinionit publik. Opinionbërëse që nxit sukseset e njerëzve.

REPORTERE

REPORTÉR/E,~JA f. sh. ~E, ~ET Gazetare e ngarkuar për të mbledhur lajme për ngjarje të ndryshme, e dërguar e posaçme e një gazete, e një reviste etj. Vrasja e dy reportereve në frontin ruso-ukrainas. Reportere profesioniste.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë