Fjalori

Rezultate në përkufizime për “garantues”

Mëso si ta përdorësh
<<< Kthehu te kërkimi kryesor në fjalor

AVAL

AVÁL,~I m. sh. ~E, ~ET fin. Garanci ose siguri financiare e dhënë me shkrim nga një person ose nga një institucion për të siguruar shlyerjen e një borxhi ose një detyrimi financiar të një tjetri, si letra me vlerë, obligacione apo kartë kredie. Aval garancie. Firmos avalin. Banka dhe aval. Avali rrit sigurinë e kredidhënësit. Kishte aval të fortë. Aval i palës së tretë një individ ose një institucion i tretë që paraqitet si garantues për shlyerjen e borxhit nëse pala që ka marrë hua nuk mund ta shlyejë.
✱Sin.: garanci, siguri, dorëzani, dëshmi.

AVALIST

AVALÍST,~I m. sh. ~Ë, ~ËT fin. 1. Garantues i pagesës së borxhit në rast të mosshlyerjes nga huamarrësi; ai që merr përgjegjësi ligjore për shlyerjen e borxhit të dikujt. Banka kërkoi një avalist. Avalisti mbuloi debitorin. Për kredinë më duhej një avalist.
2. Ai që merret me sigurimin e kontratave financiare, veçanërisht në transaksione që përfshijnë huamarrjen dhe kreditë. Avalisti përgjigjet ligjërisht për huamarrjen. Banka veproi si avalist.
✱Sin.: garant, garantues, dorëzan, dëshmitar, mbulues, shlyes.

AVALUES

AVALÚES,~I m. sh. ~, ~IT fin. Ai që siguron besueshmëri dhe siguri për kreditorët, duke marrë përsipër pagesën e detyrimit në raste të mospagesës nga huamarrësi; garantues, avalist. Garancia e avaluesit. Dha siguri avaluesi. U kërkua një avalues.
✱Sin.: garantues, sigurues, avalist, dorëzanë, dëshmues, mbulues, shlyes.

DORËMARRËS

DORËMÁRRËS,~I m. sh. ~, ~IT etnogr. 1. Ai që shkon te njerëzit e vajzës për ta kërkuar nuse për dikë; shkues, mblesës. Ishte dorëmarrësi i kësaj mblesërie.
2. Ai që hyn dorëzanë; dorëzanës; garantues.
3. si mb. Sipas kuptimeve të emrit. Pala dorëmarrëse.

DORËZANË

DORËZÁN/Ë,~I m. sh. ~Ë, ~ËT Ai që zotohet të përmbushë detyrimet e dikujt, i cili s’i plotëson dot vetë. Ishte dorëzani i të vëllait. janë caktuar dorëzanët nga të dy palët. As për peng, as për dorëzanë. (fj. u.).
✱Sin.: dorëzanës, garant, garantues, dalzotës, mbrojtës.

NDORETAR

NDORETÁR,~I m. sh. ~Ë, ~ËT Ndoremarrës.
✱Sin.: ndorepranues, mbrojtës, garantues, ndorexhi.

NDOREXHI

NDOREXHÍ,~U m. sh. ~J, ~JTË etnogr. Ndorepranues. Ka ndorexhi më të fortin e fshatit. E ka një ndorexhi të fortë. - A ka marrë ndorexhi?
✱Sin.: ndoremarrës, mbrojtës, garantues, ndoretar.

QEFIL

QEFÍL,~III m. sh. ~Ë, ~ËT vjet. 1. Dorëzanë; garant. Hyri qefil. E bëri qefil.
2. Dorëzani.
✱Sin.: dalzotës, garantues, garanci.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë