Fjalori

Rezultate në përkufizime për “garantuar”

Mëso si ta përdorësh
<<< Kthehu te kërkimi kryesor në fjalor

AVALUAR

AVALÚAR (i, e) mb., fin. Që është i garantuar ose i siguruar, që ka të bëjë me avalimin ose që i përket avalimit, i avalimit. Dokument i avaluar. Borxh i avaluar. Kredi e avaluar. Kambial i avaluar.
✱Sin.: i garantuar, i siguruar, i dorëzanuar, i dëshmuar, i mbuluar, i shlyer.

AZILDHËNËS

AZILDHË́NËS,~E mb. Që i jep një personi të huaj të drejtën e azilit, që e pranon një individ si azilant duke iu garantuar mbrojtjes ligjore në territorin e vet. Shtete azildhënëse. Vende azildhënëse. Autoriteti azildhënës. Vendimi i organit azildhënës. Dokumenti azildhënës. Organi azildhënës.

GARANTUAR

GARANTÚAR (i, e) mb. 1. Që është i sigurt, i plotë dhe i pacenueshëm. Pagë e garantuar. E drejtë e garantuar. Prodhim i garantuar.
2. Që e kemi të sigurt, që jepet me siguri. Mallra të garantuara. Treg i garantuar.
3. Që siguron nevojat e tregut për prodhime të ndryshme. Bujqësi e garantuar. Industri e garantuar.

KAPAR

KAPÁR,~I f. Sasi e vogël parash që i jepen dikujt si paradhënie në bazë të një marrëveshjeje, për të garantuar blerjen e diçkaje, marrjen me qira të një shtëpie etj.; paradhënie. Dha (mori) kaparin.
♦ Merr *ar pa kapar (dikush).

KAPAROSUR

KAPARÓSUR (i, e) mb., bised. 1. Që është kaparosur; i akaparuar, i përmbyllur. Mall i kaparosur. Shitje (blerje) e kaparosur.
2. fig. I garantuar, i përmbyllur. Punë e kaparosur.
✱Sin.: i akaparuar, i përmbyllur, i kyçur.

MBIKËQYRJE

MBIKËQÝRJ/E,~A f. sh. ~E, ~ET 1. Vëzhgim nga afër dhe me shumë kujdes i një personi a grupi personash, veçanërisht kur kemi një frikë apo dyshim; përkujdesje, ruajtje, survejim. Infermierja merrej me mbikëqyrja e të sëmurëve. Është nën mbikëqyrjen e mjekut. I la fëmijët pa mbikëqyrje. Tregohet kujdes për mbikëqyrjen e kufirit shtetëror. Zbatoj masat e mbikëqyrjes për të dënuarit.
2. Menaxhim dhe kontroll i dikujt a diçkaje. Mbikëqyrja e punimeve të rrugës. Arrij mbikëqyrjen e frymëmarrjes. Ndjek nga afër mbikëqyrjen e tregjeve. Mbikëqyrje bankare (bank.) përgjegjësia për të garantuar sigurinë dhe qëndrueshmërinë e sistemit bankar në tërësi.
✱Sin.: vëzhgim, përkujdesje, ruajtje, survejim, menaxhim, kontroll.

MBISHTETËROR

MBISHTETËRÓR,~E mb., drejt. Që qëndron mbi shtetin dhe nuk kontrollohet prej tij, që është jashtë kontrollit të një shteti të veçantë. Marrëveshje ndërkombëtare e garantuar në nivel mbishtetëror. Organ mbishtetëror. Gjykatë mbishtetërore.

MOSSIGURIM

MOSSIGURÍM,~I m., libr. 1. Pamundësi për të pasur dikë a diçka; mosmarrja e masave të duhura për të shtënë në dorë e për të pasur diçka të nevojshme për jetën e për punën; kund. sigurim. Mossigurimi i lëndës së parë (i bazës ushqimore, i farës). Mossigurimi në kohë i specialistëve të fushës.
2. Pamundësi për të garantuar sigurinë e nevojshme për jetën e dikujt ose për funksionimin e duhur të diçkaje; mosmarrja e masave të duhura për sigurimin e jetës së njerëzve dhe të objekteve nga rreziqet e ndryshme; kund. sigurim. Mossigurimi teknik. Mossigurimi i punëtorëve (i makinerive).

NDJEKSHËM

NDJÉKSH/ËM (i), ~ME (e) mb. Që është i ndjekur; që mund të ndiqet, që mund të zbulohet. Është i ndjekshëm sipas ligjit. Emision i ndjekshëm nga të gjithë. Çdo lek i shpenzuar nga buxheti është i ndjekshëm dhe i garantuar. Krim i ndjekshëm.

PAGARANTUAR

PAGARANTÚAR (i, e) mb. Që nuk është i garantuar. Çmim i pagarantuar. Shitje e pagarantuar. Udhëtim i pagarantuar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë