Fjalori

Rezultate në përkufizime për “gajret”

Mëso si ta përdorësh
<<< Kthehu te kërkimi kryesor në fjalor

DURIM

DURÍM,~I m. 1. Veprimi kur duroj dikë a diçka; përballimi i një gjendjeje të vështirë; kund. padurim. Durimi i dhembjeve. Durimi i fatkeqësive.
2. Aftësia e dikujt për të duruar e për të përballuar vështirësi, shqetësime, vuajtje, fatkeqësi etj. pa u ankuar e pa u ligështuar. Shembull durimi. Mungesë durimi. Kalon (kapërcen) me durim. E përballoi fatkeqësinë me durim. Me durim të tëra bëhen. (fj. u.).
3. Vetia e dikujt për t’u treguar i matur, i përmbajtur, i qetë e gjakftohtë, për të mos u rrëmbyer në marrëdhëniet me të tjerët; kund. padurim. Sillet me durim. Iu sos durimi. E humbi durimin dhe foli rëndë. - Ki durim e dëgjo! Shpërdoron durimin e tjetrit. Edhe durimi ka kufi. (fj. u.).
4. Aftësia e dikujt për t’u marrë me diçka për një kohë të gjatë e pa u mërzitur, për ta çuar deri në fund një pune ose për të kapërcyer vështirësitë e pengesat me përpjekje, me këmbëngulje e me vullnet; aftësia e dikujt për të pritur dikë a diçka i qetë për një kohë të gjatë. Ka durim të madh në punë. Punon me durim. Priste me durim. - Durim, edhe pak! Me durim dhe me punë bëhet edhe shkëmbi vresht. ( fj. u.). Gjithkujt i bëj durim, se durimi është shpëtim. (fj. u.). Durimi është virtyti më heroik dhe pikërisht për këtë, nga jashtë, ai nuk i ngjan aspak heroizmit. (fj. u.).
✱Sin.: duresë, qëndrim, përballim, dajandisje, përmbajtje, gëlltitje, përtypje, honepsje, gajret.
♦ Bëj durim duroj; i jap zemër vetes për të përballuar diçka të rëndë a një pritje të gjatë; përpiqem të duroj.

GAJRET

GAJRÉT,~I m., bised. Durim; guxim, zemër. Bën gajret qëndron, mbahet i fortë, duron. I jap gajret i jap guxim, i jap zemër, e trimëroj. E mban me gajret i jep shpresa; i jep zemër.
✱Sin.: durim, zemër.

SABËR

SÁB/ËR,~RI m., bised. Durim. Më jep sabër Zot! Boll kemi bërë sabër. Bëni sabër e dëgjoni deri në fund. Sabër e selamet.
✱Sin.: duresë, gajret, maturi, përmbajtje, qetësi, gjakftohtësi.

TEHIR

TEHÍR,~I m., vjet. 1. Kohë, nge, voli. Jepi tehir të mendohet. Mos e merr një punë shumë shtruar se s’ke tehir.
2. Zgrip, teh, pikë kritike. Ka shkuar puna në tehir (të keq). s’mban më ujë pilafi, mund të pritet edhe më e keqja.
3. pasth. Dale, gajret, durim, prit, një minutë. Tehir sa të pi ujë! Tehir se s’u përmbys bota!
✱Sin.: kohë, nge, voli, zgrip, teh, dale, gajret, durim, prit.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë