Fjalori

Rezultate në përkufizime për “gërresë”

Mëso si ta përdorësh
<<< Kthehu te kërkimi kryesor në fjalor

EROZION

EROZIÓN,~I m. sh. ~E, ~ET gjeol., gjeogr. Gërryerje që pëson sipërfaqja e tokës nga veprimi i ujërave, i akullit ose i erës; gërresë. Erozion i ngadalshëm (i vazhdueshëm, i pandërprerë). Vatra e erozionit. Shenjat (gjurmët) e erozionit. Mbrojmë tokën nga erozioni. Rreziku i erozionit.

GËRRYERJE

GËRRÝERJ/E,~A f. sh. ~E, ~ET 1. Veprimi kur gërryhet një vend, një send etj. Gërryerja e dheut (e shkëmbit, e drurit). Gërryerja e dhëmbit. Procesi i gërryerjes.
2. Veprimi shkatërrues i ujit, i shirave, i erës etj. në sipërfaqen e tokës dhe pasojat e tij, erozion. Mbrojnë tokën nga gërryerja.
3. Zgavër, gropë a e thelluar që bëhet kur gërryhet diçka.
✱Sin.: brejtje, ngrënie, gërresë, zgavër, zgavrim.

GËRRYES

GËRRÝES,~E mb. 1. Që ka vetinë të gërryejë; që përdoret për të gërryer diçka; që gërryen. Lëndë gërryese. Mjet gërryes. Makinë gërryese. Veti gërryese. Veprim gërryes.
2. fig. Që të bren përbrenda, që të shqetëson vazhdimisht. Mall gërryes. Brengë gërryese
✱Sin.: gërresë, kruese, ganë, lugës.

LUGËS

LÚGËS,~II m. sh. ~, ~IT Sqepar me presë të harkuar, që përdoret për të gdhendur drurin për bucela, për lugje etj.; thikë e lakuar që përdoret për të gdhendur pjesë të thelluara në dru, për të bërë lugë etj. Gdhend me lugës.
2. Rende e përkulur; lugur. Lugësi i kungullit.
3. Vegël e metaltë, me një lopatëz të lugët, që përdoret për të kruajtur magjen nëpër qoshet; kruese. Lugësi i magjes.
✱Sin.: skupë, skupës, lugësore, sqepar, qeser, rende, thikë, kruese, ganë, gërresë, gërryes1.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë