Fjalori

Rezultate në përkufizime për “gërmushje”

Mëso si ta përdorësh
<<< Kthehu te kërkimi kryesor në fjalor

HAKËRRITJE

HAKËRRÍTJ/E,~A f. sh. ~E, ~ET 1. Hakërrim, kërcënim a gërmushje. S’trembemi nga hakërritjet e tij.
2. Hakërrimë. Hakërritja e tij dëgjohej deri në oborr.
✱Sin.: kërcënim, hakërrim, kanosje, gërmushje.

SHARJE

SHÁRJ/E,~A f. sh. ~E, ~ET 1. Veprimi kur i themi njëri-tjetrit fjalë fyese, të sharët; kund. lavdërim. Sharjet nuk i bënë më përshtypje as njërit e as tjetrit.
2. Fjalë a shprehje fyese, fjalë e rëndë dhe e pahijshme që i themi dikujt, e sharë. Sharje e pistë (e rëndë, e ulët). Dëgjoi ca sharje me fjalë të pahijshme.
3. Fjalë që i thuhen dikujt për t’i shprehur pakënaqësinë për një gabim, qortim. Pas atij veprimi parashikonte të vinte edhe një sharje. E mori atë sharje me sportivitet.
4. Fjalë të rënda të thëna me zë të lartë, bërtitje. U dëgjuan sharjet e saj që nga larg. E priti me sharje e ulërima.
✱Sin.: të sharët, e sharë, poshtërim, bërtitje, qortim, qortim, hakërrim, gërmushje, qorrollisje, e lehur, pëllitje, llapëtyrë, llomotitje, palavi.

SHARË

SHÁRË,~T (të) as. Sharje. E kishte të sharët në majë të gjuhës. S'pushon së shari. S'bëhet gjë me të sharë. Zuri të sharët. (bised.) filloi të shante.
✱Sin.: e sharë, sharje, poshtërim, bërtitje, qortim, hakërrim, gërmushje, qorrollisje, llomotitje, palavi.
♦ S’ka të sharë (dikush a diçka) është shumë i mirë, s’ka asnjë cen a të metë; s’ke ç’i thua; është punë e madhe.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë