Fjalori

Rezultate në përkufizime për “gërgasë”

Mëso si ta përdorësh
<<< Kthehu te kërkimi kryesor në fjalor

CYTJE

CÝTJ/E,~A f. sh. ~E, ~ET Veprimi për të cytur; ngacmim. Dhe përsëri cytja e fuqishme për të ecur.
✱Sin.: ngacmim, thumbim, ngicje, gërgasë, gërgamë, cingërisje, nxitje, ngucje.

GRINDJE

GRÍNDJ/E,~A f. sh. ~E, ~ET 1. Veprimi kur grindet dikush. Në këtë kohë ka nisur grindja. Ai që nuk zemërohet shpejt, i qetëson grindjet.
2. Zënkë me fjalë midis dy a më shumë vetave; mosmarrëveshje midis partive politike, shteteve etj. Grindje familjare. Grindje politike. Ka grindje. Ndez (mbjell) grindje. Hyn (futet) në grindje. Shuan grindjen.
✱Sin.: zënkë, zënie, sherr, ngatërresë, cingëri, gërgamë, gërgasë, gërnjë, degame, ndeshje, rragatë, rragë, rragatje, shamatë, zburim, pezëm, përplasje, fërkim, përçarje, përleshje, pushkë, pykë, llallë, përrlë, hasje, grisë, dava, mosmarrëveshje.

NGACMIM

NGACMÍM,~I m. sh. ~E, ~ET 1. Veprimi dhe gjendja kur ngacmoj ose kur ngacmohem. Ngacmimi me fjalë (me dorë). Gjendje ngacmimi. Ngacmimet e njerëzve në rrugë. Ngacmimi në rrjetet sociale. Ngacmime seksuale. Ngacmimi i fijeve nervore.
2. fiziol. Tërësia e ndryshimeve që ngjasin në një ind të gjallë, kur mbi të vepron diçka nga bota e jashtme dhe që sjell një përgjigje ndaj saj; ndijimi që provojmë nga një ngacmues. Ngacmime të jashtme (të brendshme). Kam një ngacmim në zemër.
3. elektr., tek. Krijimi i një fushe magnetike të nevojshme për të vënë në veprim një motor elektrik. Ngacmim i pavarur. Ngacmim në seri. Ngacmimi i motorit elektrik.
4. Diçka që na jep shtysë të bëjmë a të ndryshojmë diçka. Çdo ngacmim pozitiv i vlen procesit për ta pasuruar dhe për ta bërë atë më dinjitoz. Ngacmimi për të folur. Për herë të parë, ajo ndiente ngacmimin e lirisë.
5. fig. Diçka që na shqetëson. Sikur të mos mjaftonin ngacmimet e përditshme...
✱Sin.: ngasje, prekje, çikje, shpim, gudulisje, trazim, tanim, ngarje, cytje, luajtje, ngallmim, gërgamë, gërgasë, gërgitje, cingërisje, cimbisje, kunjim, ngallitje, ngjallje, xëgitje, kunjëzim, cimbidhje, gjallërim, shtytje, nxitje, ngucje, shqetësim, thumbim, qatër, shpoti.

PIRAKSJE

PIRÁKSJ/E,~A f. sh. ~E, ~ET krahin. Gërgasë; gërgasje; ngacmim.

SHAMATIM

SHAMATÍM,~I m. sh. ~E, ~ET Veprimi kur grinden a zihen dy a më shumë persona mes tyre; sherr, grindje. Nuk donte që debati të shkonte deri në shamatim. Nuk e përmendën shamatimin e mëparshëm. Shamatime të vogla.
✱Sin.: sherr, grindje, zënkë, gërgamë, gërgasë, mosmarrëveshje, potere.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë