Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
PIKTÚR/Ë,~A f. sh. ~A, ~AT 1. Arti i paraqitjes së sendeve, të natyrës, të njerëzve dhe të veprave të tyre etj., me anë të vijave e të ngjyrave mbi një sipërfaqe. Piktura shqiptare. Piktura antike (e shekullit XIX). Pikturë murale pikturë në mur. Pikturë monumentale paraqitje njerëzish e sendesh me përmasa të mëdha në murin kryesor të ndërtesave etj. Ekspozitë pikture. Dega e pikturës. Studion (ka prirje) për pikturë. Merret me pikturë. Pikturë kavaleti pikturë me përmasa mesatare, që punohet duke e mbështetur telajon në kavalet.
2. Vepër e këtij arti; vepra e piktorit. Pikturë e bukur. Pikturë me bojëra vaji. Pikturë në mur (në beze). Pikturat e ekspozitës (e galerisë së arteve).
3. fig. Përshkrim i gjallë dhe i fuqishëm me mjetet e gjuhës, që na e jep të plotë e me ngjyra të qarta një mjedis, një ngjarje etj. Ky roman është një pikturë e vërtetë e shoqërisë bashkëkohore.
✱Sin.: tablo, kuadër, fytyrim, figurë, vizatim, përshkrim.
PËRFYTYRÍM,~I m. sh. ~E, ~ET 1. Veprimi kur përfytyroj dikë apo diçka ose kur përfytyrohet dikush a diçka. Përfytyrimi i një ngjarjeje.
2. psikol., filoz. Figurë e një sendi, që riprodhohet në ndërgjegje sipas perceptimeve të mëparshme; formë e pasqyrimit shqisor, që përbën një hallkë kryesore në procesin e njohjes së botës. Përfytyrime pamore. Përfytyrim i plotë (i qartë, i turbullt). Ndijimet, perceptimet e përfytyrimet.
3. Ajo që krijohet në mendje për diçka, duke u mbështetur në të dhënat e botës së jashtme, mendim pak a shumë i qartë e i plotë për diçka; krijim i imagjinatës. Përfytyrim i qartë (i plotë) për diçka, për dikë. Përfytyrime poetike.
✱Sin.: parafytyrim, fytyrim, shëmbëllim, shëmbëllesë, shëmbëlltyrë, fanitje, ide, shllim, imagjinatë, ëndërrim, trillim, hije, pasqyrim, vegulli, përhitje, shajni, përhijim, vegim.
VIZATÍM,~I m. sh. ~E, ~ET 1. Veprimi kur vizatoj a vizatohet. Vizatimi i një luleje. Vizatim me laps (me ngjyra). Vizatim nga natyra. Mjetet e vizatimit. Fletore vizatimi.
2. Një nga format e shprehjes në artet pamore, arti i paraqitjes a i riprodhimit në letër të një objekti a të një figure ose elemente imagjinare nëpërmjet vijave etj. në një hapësirë, zakonisht në letër a në diçka tjetër, të cilat realizohen përmes lapsit, penës, me bojëra etj. Vizatim i lirë. Mësuesi i vizatimit. Ora e vizatimit. Kanë vizatim. Merret me vizatim. Vizatim teknik paraqitje në rrafsh e një sendi a objekti, i cili jep format e përmasat e tij.
3. Lëndë mësimore (art pamor) që bëhet në shkollë me qëllim që nxënësit të përvetësojnë këtë lëndë. Lënda e vizatimit. Ora e vizatimit.
4. Figura që vizatohet; figurë, lule a qëndismë që bëhet në stof, në basmë, në mure etj. Basmë me vizatime të bukura. Jastëk me vizatime. Bëri një vizatim.
5. bised. Letra ku është vizatuar diçka; fletore me fletë të bardha e të trasha që e përdorin nxënësit në shkollë për të vizatuar. Mblodhi vizatimet. Mbështolli vizatimin.
6. Formë e të shkruarit të psikologjisë së brendshme të fëmijës, mënyrë e shprehjes së ekzistencës, të historisë së tij; imazhe që mbeten në fletë me të cilat tregon për veten dhe për mjedisin ku jeton.
7. Paraqitja e vizatimeve të njëpasnjëshme nga veglat informatike në plane (ekrane të ndryshme), vizatimi informatik, vizatimi apo paraqitja e vizatimeve të krijuara nga veglat informatike në bazë të të dhënave që më parë njeriu i ka dhënë makinës. Bëri disa vizatime informatike. Vizatim informatik.
✱Sin.: pikëzim, vijëzim, vizim, figurë, fytyrim, përvijëzim, përvijim, grafikë, skicë.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë