Fjalori

Rezultate në përkufizime për “fyl”

Mëso si ta përdorësh
<<< Kthehu te kërkimi kryesor në fjalor

BAMBU

BAMBÚ,~JA f. sh. ~, ~TË bot. (lat. Bambusa arundinacea; Bambusa vulgaris) Bimë e vendeve të nxehta me kërcell të drunjtë, të fortë, të gjatë, me nyja dhe përbrenda fyl si kallami, që rritet nga disa centimetra deri në tridhjetë metra e më shumë dhe përdoret si lëndë për ndërtim, për prodhimin e mobilieve, për shportari etj. Shkop bambuje. Shportë (kanistër, kapele) bambuje. Kasolle bambuje. Pyje me bambu. Bambuja e artë. Bambuja e drunjtë. Bambuja gjembake. Bambuja gjethengushtë.

BOSH

BOSH,~E mb., bised. 1. I zbrazët, që nuk ka gjë a njeri brenda; i lirë, i pazënë; kund. i plotë, i zënë. Enë (shishe, fuçi, kuti) boshe. Vend bosh. Vagon bosh. Me gotën bosh. Ena bosh bën zhurmë më shumë. (fj. u.).
2. Që punon pa ngarkesë, që nuk kryen punë të dobishme ose që nuk e plotëson qëllimin e caktuar. Lëvizje boshe.
3. I padobishëm, që nuk ka vlerë; që nuk ka kuptim; i zbrazët; i kotë. Punë boshe. Fjalë (frazë) boshe. Gjëra boshe.
✱Sin.: i zbrazët, i lirë, i pazënë, i shkrëndur, golle, i zgavërt, fyl, fyell, hiç, i kotë, i padobishëm, i pavlerë, i pakuptim, i pakuptimshëm, i zhveshur, cakërr.
♦ *Punë boshe.

DËRNOK

DËRNÓK,~U m. sh. ~Ë, ~ËT bot. (lat. Gratiola officinalis) Bimë barishtore helmuese, me kërcell fyl, me gjethe heshtore të dhëmbëzuara afër majës, me lule në ngjyrë trëndafili të çelur, që rritet në toka të punuara e me lagështirë.

FIRUSHKË

FIRÚSHK/Ë mb. Që është pa thelpinj, fyçkë, fyrbë, fyl. Arrë firushkë. Lajthi firushkë.
✱Sin.: fyçkë, fyrbë, fyl.

FYL

FYL,~E mb. 1. Që nuk ka thelb a bukë brenda, që është bosh përbrenda, fyçkë; i zbrazët. Arrë fyle. Dru (lis) fyl.
2. fig. Që nuk ka mend në kokë, kokëbosh.
✱Sin.: fyçkë, i zbrazët, kokëbosh.

FYL

FYL,~I m. sh. ~Ë, ~ËT fig. Ai që nuk ka mend në kokë. Budallallëqet e fylit.

FYL

FYL ndajf. Pa dobi, pa ndonjë vlerë; kot. I shkoi fyl gjithçka.

FYLE

FYL/E,~JA f. sh. ~E, ~ET fig. Ajo që nuk ka mend në kokë. Fyles i folën.

FYRBË

FÝRBË mb. Fyl. Arrë (lajthi) fyrbë.

FYÇKË

FÝÇKË mb. 1. Që nuk ka thelb a bukë brenda, që është bosh përbrenda, fyl. Arrë (lajthi) fyçkë.
2. fig. Që nuk ka mend në kokë, kokëbosh. Njeri fyçkë. Është fare fyçkë nga mendja.
✱Sin.: fyl, fyrbë, fyshte, pufkë, zhigël, firajkë, kokëbosh, mendjelehtë, zhajkë.
♦ *Arrë fyçkë keq.

GRAMORE

GRAMÓRE,~T f. sh., bot. Familje bimësh njëthelbore, kryesisht barishtore, me kërcell të rrumbullakët, zakonisht fyl përbrenda e të nyjëzuar, me lule të grumbulluara në kalli a në trajtë fshese, si grami, gruri, misri, elbi, thekra, tërshëra etj.

LËPUSHTËR

LËPÚSHT/ËR,~RA f. (lat. Caltha palustris) Bimë barishtore shumëvjeçare helmuese deri 30 cm e lartë, me kërcej fyl, me gjethe në formë zemre ose veshke, me rizoma të shkurtra, që rritet në vende me lagështi e që takohet si bar i keq në kulturat livadhore a bishtajore.

MENDJEBOSH

MENDJEBÓSH,~E mb. Që e ka mendjen bosh, që nuk i prodhon mendja, kokëbosh, mendjefyell; që nuk arsyeton, i trashë; kund. mendjeplotë. Ishte njeri kokëfortë dhe mendjebosh.
✱Sin.: kokëbosh, kokëzbrazët, fyl, fyçkë, mendjefyell, mendjefyçkë, tytë, tytosh, trashaman, skërfyell, karabush.

TROÇKË

TRÓÇKË mb. 1. edhe fig. Zbrazët, fyl, bosh, fyçkë. Arrë troçkë. Troçkë nga mendja. Nga trupi koçkë, nga mendja troçkë. (fj. u).
2. si em. f. (për të dhënë një përgjigje mohuese) Asgjë, asgjë prej gjëje. - Ai fitoi gjë? - Troçkat!

ZHIGËL

ZHÍG/ËL,~LA f. sh. ~LA, ~LAT krahin. 1. Cingaridhe. Groshë me zhigla.
2. Gjellë që gatuhet me pjesë të vogla mishi të skuqur. Ka zhigla për drekë.
3. fig. Cen, e metë.
4. si mb. Që s'ka thelb a bukë brenda; fyl, fyrbë (për arrën). Arrë zhigël.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë