Fjalori

Rezultate në përkufizime për “fushim”

Mëso si ta përdorësh
<<< Kthehu te kërkimi kryesor në fjalor

FUSHIM

FUSHÍM,~I m. sh. ~E, ~ET 1. Veprimi kur fushojmë; qëndrim i përkohshëm me çadra etj. gjatë një udhëtimi, ekspedite, ekskursioni etj. Iu kujtuan fushimet gjatë ekskursioneve.
2. usht. Dalja nga kazermat dhe qëndrimi i përkohshëm i trupave në vend të hapur; stërvitja që zhvillohej me trupat jashtë repartit. Garnizoni ishte në fushim.

FUSHOJ

FUSH/ÓJ vep., ~ÓVA, ~ÚAR 1. jokal. Vendosem e qëndroj përkohësisht në një vend ose në një shesh duke ngritur çadra etj. për t’u çlodhur gjatë një udhëtimi bashkë me të tjerë, gjatë një ekspedite shkencore, në një ekskursion etj. Fushuan në malin e Dajtit.
2. edhe kal., usht. Dal për fushim, nxjerr trupat për fushim. I fushuan trupat. Fushonte i tërë reparti.

GAVETË

GAVÉT/Ë,~A f. sh. ~A, ~AT Enë e vogël prej alumini që përdoret nga ushtarët për të ngrënë ushqimin kur janë në fushim. Gavetë ushtarake. Gavetë alumini. Rripi (kapaku) i gavetës. Laj gavetën. Ha në gavetë.

LLOGORIM

LLOGORÍM,~I m. Qëndrim në shatorre të njësive ushtarake, të brigadave të rinisë, të pionierëve etj.; fushim.

VENDQËNDRIM

VENDQËNDRÍM,~I m. sh. ~E, ~ET Vendi ku qëndron dikush a diçka; vendi ku qëndrojnë automjetet. Vendqëndrimi i autobusit (i taksive).Vendqëndrimi i kafshëve. Vendqëndrimi i aeroplanëve. Vendqëndrimi i repartit.
✱Sin.: vendndalim, vendparkim, vendankorim, liman, mol, fushim, kamp, aeroport.

VEROR

VERÓR,~E mb. 1. Që lidhet me verën, që i përket verës, që është karakteristik për verën, i verës; që bëhet a që piqet në verë. Mëngjes veror. Fllad veror. Shirat verore. Perime (pemë) verore. Dardha verore.
2. Që përdoret në verë, që është i përshtatshëm për kohën e verës; që kryhet a që vepron në verë; kund. dimëror. Rroba (veshje) verore. Këpucë verore. Kinema verore sallë e hapur ku shfaqen filma gjatë verës. Teatër veror sallë e hapur ku jepen shfaqje teatrale e koncerte gjatë verës. Kullotë verore. Kamping veror. Pushimet verore. Shkollë verore. Fushim veror.
✱Sin.: verak, beharor.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë