Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
ANALÉPS/Ë,~AI f., mjek. Përmirësim i shëndetit të pacientit. Efekti i analepsës.
✱Sin.: përmirësim, shërim, fuqizim, forcim, përforcim, rigjallërim, rikuperim.
DOBËSÍM,~I m. 1. Veprimi kur dobësoj dikë a diçka; humbje apo zvogëlim i aftësive a i fuqisë fizike së dikujt.
2. Gjendja e dikujt kur e kemi dobësuar a kur dobësohemi; gjendje jo e shëndoshë e gjithë trupit ose e një pjese a e një organi të tij; rënie në peshë; hollim; ligie; kund. fuqi, forcë. Dobësim i madh (i vazhdueshëm). Dobësimi nga sëmundja. Dobësimi i zemrës. E ka nga dobësimi. Dobësimi i zërit.
3. fig. Të qenët i dobët, i pafuqishëm, i paqëndrueshëm, i brishtë, i zbehtë, i pamjaftueshëm, i pakënaqshmëm etj. për diçka; ulje; kund. forcim, fuqizim. Dobësimi i erës. Dobësimi i rreshjeve. Dobësimi i dritës (i rrymës). Dobësimi i forcës (i fuqisë). Dobësimi i sulmeve. Dobësimi i marrëdhënieve (i lidhjeve, i bashkëpunimit). Dobësimi i shtetit. Dobësimi i ekonomisë.
4. Zvogëlimi i rezistencës a i qëndrueshmërisë së diçkaje në krahasim me një pikë referimi; kund. forcim. Dobësimi i themeleve. Dobësimi i shtyllave. Dobësimi i mureve.
✱Sin.: ligie, ligështim, hollim, tretje, heqje, fishkje, thithje, shkalitje, rrëgjim, rrufitje, shkrehje, zbrujtje, tulatje, prishje, rrëgjakje, ulje, mekje, tulatje, platitje, pakësim, rënie, zbehje.
FORCÍM,~I m. 1. Veprimi kur forcojmë a kur forcohemi; aftësimi fizik i trupit; kalitje. Gjimnastika i shërben forcimit të trupit.
2. Fortësim; ngurtësim. Thatësira i forcoi tokat.
3. Përforcim. U mobilizuan për forcimin e urës.
4. Fuqizim. Punon për forcimin e ekonomisë.
5. fig. Kalitje mendërisht, moralisht e shpirtërisht; kalitje e vullnetit dhe qëndrueshmërisë. Vuajtjet ndikuan në forcimin e tij.
✱Sin.: kalitje, fortësim, ngurtësim, përforcim, fuqizim, mëkëmbje, rritje.
INTENSIFIKÍM,~I m., libr. 1. Veprimi kur intensifikoj ose kur intensifikohet diçka.
2. Rrjedhimi kur intensifikoj ose kur intensifikohet diçka. Intensifikimi i ekonomisë (i bujqësisë). Intensifikimi i punës (i punimeve). Intensifikimi i sulmeve. Në rrugën e intensifikimit.
✱Sin.: rritje, shtim, dendësim, përshpejtim, fuqizim.
MOSFUQIZÍM,~I m. Pamundësi, paaftësi a kundërshtim për të fuqizuar dikë a diçka; veprimi dhe gjendja kur nuk e fuqizoj dikë a diçka ose kur nuk fuqizohem; kund. fuqizim. Mosfuqizimi i spitaleve rajonale. Mosfuqizimi i sindikatave. Mosfuqizimi i grave.
PËRTËRÍTJ/E,~A f. sh. ~E, ~ET 1. Veprimi kur përtërit ose kur përtëritet dikush a diçka. Përtëritja e lëkurës. Përtëritja e licencës. Përtëritja e organeve drejtuese të partisë (të ministrisë). Është koha e përtëritjes.
2. Gjendja kur përtërit ose kur përtëritet dikush a diçka. Ndihet përtëritja në çdo cep.
✱Sin.: rinim, përmirësim, këndellje, shërim, freskim, rifreskim, gjallërim, shkundje, çndryshkje, flladitje, fuqizim, forcim, lulëzim, zbukurim, hijeshim, ringjallje, rishfaqje, rilindje.
SINERGJÍZ/ËM,~MI m. Fuqizim i efektit terapeutik, i zhvilluar nga bashkëveprimi i dy ose me shumë preparateve. Studion sinergjizmin.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë