Fjalori

Rezultate në përkufizime për “funeral”

Mëso si ta përdorësh
<<< Kthehu te kërkimi kryesor në fjalor

FUNERAL

FUNERÁL,~I m. sh. ~E, ~ET Ceremoni e përmortshme që bëhet kur varroset dikush; varrim. Funeral zyrtar. Morën pjesë në funeral.

KORTEZH

KORTÉZH,~I m. Varg a vargan njerëzish në një funeral. Kortezh i përmortshëm.
✱Sin.: varg, vargan.

LOGORISJE

LOGORÍSJ/E,~A f. sh. ~E, ~ET Vajtimi me zë e me fjalë për të vdekurin; shprehje e dhembshurisë dhe dhimbjes për humbjen e dikujt të ndjerë. Në funeral, logorisja ishte e fortë dhe e prekshme nga të gjithë të pranishmit.

POSHTËRUES

POSHTËRÚES,~E mb. Që të ul në sy të njerëzve, që të prish emrin e mirë, të ul nderin e personalitetin, që të poshtëron. Veprim (ndëshkim) poshtërues. Akt (funeral, fund) poshtërues. Sistem poshtërues. Sjellje poshtëruese. Fjalë poshtëruese. Në mënyrë poshtëruese.
✱Sin.: fyes, dhunues, i dhunshëm, përulës.

PËRMORTSHËM

PËRMÓRTSH/ËM (i), ~ME (e) mb. 1. Që lidhet me ceremoninë e cila bëhet me rastin e vdekjes së dikujt, që bëhet gjatë kësaj ceremonie ose me rastin e saj.
2. Që ka të bëjë me varrimin e dikujt. Miting i përmortshëm. Sallë e përmortshme. Kortezh i përmortshëm. Marsh i përmortshëm (muz.) pjesë muzikore që luhet kur përcjellin të vdekurin në varreza. Fjalim i përmortshëm (etnogr.) fjalim që mbahet në varrimin e dikujt.
3. Që është në zi. Familje e përmortshme.
4. Që është shumë i trishtuar dhe të kujton vdekjen. Tinguj të përmortshëm. Qetësi (heshtje) e përmortshme. Këngë e përmortshme.
✱Sin.: mortor, i zishëm, i përzishëm, i përzitur, varrimor, funeral, i përmortëm, i përvajshëm, i përvajtueshëm, i trishtuar.

VARRIM

VARRÍM,~I m. sh. ~E, ~ET 1. Përcjellët e një të vdekuri, shtënie e të vdekurit në varr, kryerja e varrimit; kund. zhvarrim. Vendi i varrimit. Dita e varrimit. U bë varrimi.
2. Ceremonia e përcjelljes së trupit të të vdekurit për në varr. Sipërmarrës i varrimit. Ceremonia e varrimit. Varrim solemn. Shpenzimet e varrimit. Shkoi (mori pjesë) në varrimin e një miku.
✱Sin.: varrosje, groposje, mbulim, prehje, funeral.

VARRIMOR

VARRIMÓR,~E mb. 1. Që ka të bëjë me varrimin, që i përket varrimit, i varrimit; që përdoret në varrim; funeral. Shërbim varrimor. Ceremoni varrimore.
2. fig. Që të kujton vdekjen a varrimin, i zymtë, i trishtuar. Zë varrimor.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë