Fjalori

Rezultate në përkufizime për “fundajë”

Mëso si ta përdorësh
<<< Kthehu te kërkimi kryesor në fjalor

BORIMË

BORÍM/Ë,~AII f. sh. ~A, ~AT Rrip toke në anë të arës, që mbetet pa lëruar; anie, brinajë. Borimat i punojnë me bel.
✱Sin.: anie, anëse, ceparak, fundajë, mëkrejsë, brinajë, brinanë, trap, ovrat.

BRINAJË

BRINÁJ/Ë,~A f. sh. ~A, ~AT 1. Anë e arës që mbetet pa u mbjellë, anëse, briarë. La shumë brinaja pa mbjellë.
2. Anë e stofit a e pëlhurës etj., që nuk e lë atë të shprishet.
✱Sin.: anie, anëse, ceparak, fundajë, mëkrejsë, briarë, brinanë, trap.

CEPARAK

CEPARÁK,~U m. sh. ~Ë, ~ËT 1. Cepi i një are, i një livadhi; cep i vogël toke; fundajë. Punojnë edhe ceparakët.
2. Copë e shkurtër druri, që vihet anëve të çatisë për të mbajtur mahinë. Mbërthej mahitë me ceparakë.

FUNDAJË

FUNDÁJ/Ë,~A f. sh. ~A, ~AT 1. Pjesë anësore e arës, që ndodhet në fund të saj; ceparak. Punoi fundajën.
2. Pjesa e dalë e një mali a shkëmbi; bishti i një mali a i një shkëmbi. Fundajë shkëmbi (mali).
3. kryes. sh. Mbeturinat, fundrat. Fundajat e lëmit.
✱Sin.: ceparak, mbeturinë, telve.

MBETURINË

MBETURÍN/Ë,~A f. kryes. sh. ~A, ~AT 1. Ato që kanë mbetur nga diçka e shkatërruar, e prishur, e thyer etj.; diçka që ka mbetur pasi është vjetruar, është përdorur gjatë etj.; gërmadhë. Mbeturinat e shisheve të thyera. Mbeturinat e një makine të prishur. Mbeturina teneqesh e hekurishtesh. Mbeturina anijesh të vjetra. Mbeturinat e një aeroplani. Mbeturinat e një muri të rrëzuar (e një kështjelle të rrënuar). Pastroj (grumbulloj) mbeturinat e gurta një shtëpi të rrënuar nga cikloni.
2. Ato që teprojnë ose që mbeten nga gjellët, nga të ngrënat e të pirat, të mbeturat, të lënat. Pastroj tavolinën nga mbeturinat e mëngjesit. Mbeturinat e drekës (e darkës). Mbeturinat e ushqimeve (e pijeve, të mishit). Mbeturinat e gjellëve. Mbeturinat nga tryeza e gostisë. Hëngri ca mbeturina. Mbledh (fshij, hedh) mbeturinat.
3. Pjesë e vogël a copë e diçkaje, që del gjatë përdorimit të saj, gjatë përpunimit etj. e mbetet mënjanë, hedhurinë. Mbeturinat e drurit (e zdrukthit). Mbeturinat e letrës. Mbeturina metali. Mbeturinat e leshit (e pambukut). Përpunimi (shfrytëzimi) i mbeturinave.
4. Ajo që kullon nga një lëng e mbetet në fund të një ene, llurbë, fundërrinë. Mbeturina e vajit në shishe. Mbeturina kafeje.
5. kim. Lëndë e padëshirueshme a e padobishme pas përdorimit kryesor, që duhet hedhur në mënyrë të përshtatshme. Mbeturina radioaktive (organike, kimike, spitalore). Mbeturina të rrezikshme.
6. Ajo pjesë që i ka shpëtuar shfarosjes së plotë ose zhdukjes (për njerëzit). Mbeturinat e ushtrisë mbretërore. Mbeturinat e fundit të njerëzisë.
7. Ajo që ruhet ende sot si diçka e vjetër, e trashëguar nga e kaluara. Mbeturinë e miteve të lashta. Mbeturina gjuhësore të së kaluarës. Mbeturinë e një kulture të hershme.
8. Koncept, mënyrë të menduari a paragjykim i mbetur prej së shkuarës dhe që mendohet si diçka negative dhe e dëmshme. Ajo ideologji ishte mbeturinë e së kaluarës.
✱Sin.: mbetje, gërmadhë, të mbetura, tepricë, hedhurinë, zgaq, fundçe, fundajë, rrëmbythje, rrozgë, rrezhdë, furde, mbijetojë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë