Fjalori

Rezultate në përkufizime për “ftujak”

Mëso si ta përdorësh
<<< Kthehu te kërkimi kryesor në fjalor

BUTUK

BUTÚK,~U m. sh. ~Ë, ~ËT 1. Kec motak; ftujak, cjap i patredhur. I ushqente veç butukët.
2. keq. Rrondokop. Njeri butuk.

BËTUK

BËTÚK,~U m. sh. ~Ë, ~ËT Kec mashkull deri në dy vjeç; karçin, ftujak. Pjellën e dhisë në motin e dytë e quajnë batuk.

CJAP

CJAP,~I m. sh. CJEP, CJÉPTË zool. 1. Mashkulli i dhisë. Cjap i bardhë. Cjap shyt. Cjap pa brirë. Mish cjapi. Lëkurë cjapi. Cjapi edhe pa mjekër cjap mbetet. (fj. u.).
2. Pjesë e parë e emërtimeve të disa lloj cjepësh. Cjap i balër cjap me balë në ballë. Cjap i çipër cjap me veshë të vegjël. Cjap i llapër cjap llapush. Cjap i mëllënjër cjap i kuqërremtë në të zezë. Cjap i rrepër cjap i kuqërremtë. Cjap i zebër cjap i zi.
♦ Bleu cjap e i doli ftujak (dikujt) iron. ndryshe mendon e ndryshe i del, përpiqet për të mirë e i del tjetër gjë, nuk merr frytin e punës së vet, nuk nxjerr fitimin e pritur nga një punë e mirë; mbjell bostan e dalin kastraveca. Cjapi mish e dhia tavë mospërf. shih dhia mish e cjapi tavë mospërf. *Dhjamë cjapi. I ka hipur cjapit (dikush) tall. shih u bë tapë (dikush). S’është cjap për atë zile (dikush) nuk e bën dot atë punë që i është dhënë, nuk është i zoti ta kryejë detyrën e ngarkuar, s’është në vendin e vet; s’është as për cjap e as për këmborë. Kërkon *qumësht nga cjapi (dikush). Kur të mbarsen cjeptë shih kur të pjellë mushka. Ta shet cjapin për *ka (dikush) keq. (Shkoi, vajti) si cjapi te kasapi (dikush) e gjeti të keqen vetë me këmbët e tij; shkoi vetë pa e ditur se ç’rrezik a ç’e keqe e priste; shkoi (vajti) si breshka te nallbani; e kërkoi si breshka gozhdën; e kërkoi si dhelpra në pazar.

FTUJAK

FTUJÁK,~U m. sh. ~Ë, ~ËT 1. Kec mashkull nga një vit deri në dy vjeç. Mish ftujaku.
2. fig., përk. Djalë i ri, i shëndetshëm, por ende i papjekur e pa përvojë nga jeta. Eja, ftujaku i dajës!
♦ Bleu *cjap e i doli ftujak (dikujt) iron.

KARÇIN

KARÇÍN,~I m. sh. ~Ë, ~ËT Kec motak; ftujak. Kullos karçinët. Kërcen si karçin.

PJELLAK

PJELLÁK,~U m. sh. ~Ë, ~ËT 1. Dash nga një deri dy vjeç, milor.
2. Dash a cjap që sapo ka filluar të ndërzejë.
3. shak. Ai që është i fuqishëm, ai që është gati për të ngritur familje e për të bërë fëmijë (për një të ri apo burrë).
✱Sin.: milor, trabokull, ndërzyes, i patredhur, ftujak, burrë.

PËRÇAK

PËRÇÁK,~U m. sh. ~Ë, ~ËT 1. Cjap i patredhur që mbahet për ndërzim, vargër; përç.
2. Karçin, ftujak, kec dyvjeçar.
3. keq. Ai që bredh pas femrave, gruar.
✱Sin.: vargër, vargës, përç, karçin, ftujak, gruar, kurvar, përçakës.

PËRÇIK

PËRÇIK,~U m. sh. ~Ë, ~ËT Kec dyvjeçar; karçin, ftujak, përçak.

TRABOKULL

TRABÓKU/LL,~LLI m. sh. ~J, ~JT zool., bised. Karçin, ftujak.

VESHLABOÇ

VESHLABÓÇ,~E mb. 1. Që i ka veshët të mëdhenj dhe të kthyer nga mesi (për cjapin dhe dhitë kryesisht). Cjap veshlaboç. Dhi veshlaboçe. Ftujak veshlaboç.
2. përçm. Që i ka llapat e veshëve të mëdha dhe me pamje të shëmtuar, veshllapush (për njerëzit). Djalë veshlaboç. Grua (vajzë) veshlaboçe.
3. fig. Që është qullan, i ngathët e i plogët, i përhumbur. Ç’burrë veshlaboç?
✱Sin.: veshmadh, pallavesh.

VETUL

VÉTUL,~I m. sh. ~Ë, ~ËT Ftujak.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë