Fjalori

Rezultate në përkufizime për “ftilloj”

Mëso si ta përdorësh
<<< Kthehu te kërkimi kryesor në fjalor

ANGLLATIS

ANGLLATÍS vep., ~A, ~UR krahin., kal., edhe jokal. Kuptoj, marr vesh, bëj me dije, jam i aftë nga ana mendore, ma kap mendja, më hyn në kokë. Ia angllatisi mirë e mirë.
✱Sin.: di, kuptoj, dalloj, shquaj, dëftoj, ftilloj, kthjelloj, shpjegoj.

ARSEJ

ARS/ÉJIII vep., ~ÉVA, ~ÝER krahin., kal. 1. Ftilloj; kuptoj, qartësoj. E arseva atë që kishte ndodhur.
2. Rehatoj kafshët (gjënë) në darkë. A i arseve delet?
3. Vë fëmijët në gjumë. Arseu fëmijët pas darkës.
✱Sin.: ftilloj, kuptoj, qartësoj, kthjelloj, shtjelloj, sqaroj, shkoqit, shpleks, zgjidh, rehatoj.

BABOVIT

BABOVÍT (BABOVÍS) vep., ~A, ~UR kal. 1. Rregulloj, qeveris shtëpinë, amvis. Babovita shtëpinë.
2. I jap dikujt të hajë, e vesh dikë, e mbath, e bëj gati. Mezi i baboviste fëmijët.
✱Sin.: rregulloj, amvis, ndreq, ftilloj, krahishtoj, sistemoj, qeversis, mataroj, kullandris, ujdis, godit, ndërtoj, ormis, orendit.

FTILLOJ

FTILL/ÓJ vep., ~ÓVA, ~ÚAR kal. 1. Zgjidh a shpleks diçka të ngatërruar. Ftilloi penjtë.
2. E vë në rregull diçka, e rregulloj. Ftilloj shtëpinë. I paska ftilluar punët.
3. fig. Sqaroj, shkoqit diçka të ndërlikuar; kthjelloj. Ia ftilloi mendjen.
✱Sin.: ftillëzoj, kthjelloj, sqaroj, rregulloj.

FTILLËZOJ

FTILLËZ/ÓJ vep., ~ÓVA, ~ÚAR kal. Ftilloj. Ftillëzoj problemet.

KTHJELLOJ

KTHJELL/ÓJ vep., ~ÓVA, ~ÚAR kal. 1. E bëj të kthjellët a të pastër; pastroj nga turbullirat, kulloj (ujin, qumështin a lëngje të ndryshme); kund. turbulloj; ndot, ndyj.
2. edhe jokal., vet. v. III Bën që të kthjellohet (për qiellin a motin etj.); kund. vrenjt. Era kthjelloi qiellin (motin).
3. fig. E bëj të kthjellët a të qartë një çështje, një ide etj.; sqaroj. Kthjelloj problemin (çështjen).
✱Sin.: kulloj, pastroj, kaltëron, hap, sqaroj, kthjelltësoj, ftilloj, rregulloj.
♦ As *turbullon e as kthjellon (e as kullon) (dikush)

NDËRGJEGJËSOJ

NDËRGJEGJËS/ÓJ vep., ~ÓVA, ~ÚAR kal. E bëj të ndërgjegjshëm; ftilloj, sqaroj, zgjoj, kthjelloj. Ndërgjegjësoj opinionin publik. Duhet të ndërgjegjësohen të gjithë. Njerëzit janë ndërgjegjësuar tashmë.
✱Sin.: ftilloj, sqaroj, zgjoj, kthjelloj.

QARTËSOJ

QARTËS/ÓJ vep., ~ÓVA, ~ÚAR kal. 1. E bëj që të duket mirë e pastër; kthjelloj; kund. errësoj. Qartësoj figurën. Qartësoj pamjen. Qartësoje ekranin. Qartësoi lëngjet.
2. fig. E bëj të qartë një çështje a diçka të errët; e sqaroj. I qartësoi mendimet. I qartësoi pasojat.
✱Sin.: kthjelloj, kthjell, ndriçoj, pastroj, sqaroj, kulloj, shkoqis, ftilloj.

SHTJERR

SHTJERR vep., SHTÓRA, SHTJÉRRË kal. 1. Zhdredh një fill të tjerrë, shthur; kund. tjerr. Shtjerr fillin.
2. Çmbledh një fill të mbledhur, zbledh; kund. mbledh. Shtjerr lëmshin.
3. Shthur diçka të thurur me fill; kund. thur. Shtjerr çorapin (fanellën).
4. fig. Ftilloj, shkoqit. Shtjerr një ngjarje të ngatërruar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë