Fjalori

Rezultate në përkufizime për “fshirës”

Mëso si ta përdorësh
<<< Kthehu te kërkimi kryesor në fjalor

FSHESAR

FSHESÁR,~I m. sh. ~Ë, ~ËT Ai që fshin rrugët e qytetit me fshesë. Fshesarët e qytetit.
✱Sin.: fshirës, fshesaxhi.

FSHESARE

FSHESÁR/E,~JA f. sh. ~E, ~ET Ajo që fshin rrugët e qytetit me fshesë. Fshesaret dolën në punë.
✱Sin.: fshirës, fshesaxhi.

FSHIRËS

FSHÍRËS,~I m. sh. ~, ~IT 1. Ai që merret me fshirjen ose me pastrimin e diçkaje, pastrues; fshesar. Fshirësi i oxhaqeve. Fshirës rrugësh.
2. Fshirëse. Fshirës hiri.
✱Sin.: pastrues, fshesar, fshirëse.

FSHIRËSE

FSHÍRËS/E,~JA f. sh. ~E, ~ET 1. Fshirës. Fshirësja e rrugëve.
2. Top i vogël prej leshi etj. ose një copë sfungjer që përdoret për të fshirë dërrasën e zezë. Mori një fshirëse të re për dërrasën e zezë.
3. Copë e vogël prej gome, që përdoret për të fshirë diçka të shkruar ose të vizatuar në letër; gomë. Nxënësit futën fshirëset në çanta.
4. Copë katërkëndëshe prej gome, prej cohe, prej plastike etj., që shtrohet te pragu i derës së jashtme për të pastruar këpucët kur hyjmë në shtëpi a në një ndërtesë tjetër. Fshirëse këmbësh.
5. Fshesë e posaçme prej pendësh a prej diçkaje tjetër, me të cilën fshijmë pluhurin. Mori pluhurat me fshirëse.
6. tek. Makinë a pjesë e një mekanizmi, që shërben për të hequr pluhurin ose për të pastruar diçka. Fshirësja e tytës së topit.
7. Shufër metalike me një rrip gome, që lëviz mbi xhamat e përparmë e të prapmë të një automjeti për të hequr ujin kur bie shi ose për të pastruar pluhurin. Fshirëse xhami. Ndërroi fshirëset e makinës.
✱Sin.: fshirës, gomë, shuarës.

PASTRUES

PASTRÚES,~E mb. 1. Që përdoret për të pastruar diçka. Lëndë pastruese. Makinë pastruese.
2. Që pastron (për një njeri). Kërkohen dy gra pastruese.
✱Sin.: spastrues, fshirës, larës, dëlirës.

XHAMAFSHIRËS

XHAMAFSHÍRËS,~E mb. 1. Që përdoret për të fshirë a për të pastruar xhamat e një makine, të një ndërtese (për një pajisje, për një vegël) etj., xhamafshirës. Përdorëse xhamafshirëse.
2. Që punon si fshirës a si pastrues i xhamave të një ndërtese etj., xhamapastrues. Fëmijë xhamafshirës. Robot xhamafshirës.

XHAMAFSHIRËS

XHAMAFSHÍRËS,~I m. sh. ~Ë, ~ËT Ai që punon si fshirës a si pastrues i xhamave të një ndërtese etj. Xhamafshirës i rrokaqiejve.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë