Fjalori

Rezultate në përkufizime për “fruton”

Mëso si ta përdorësh
<<< Kthehu te kërkimi kryesor në fjalor

ALDROVANDË

ALDROVÁND/Ë,~A f. sh. ~A, ~AT bot. (lat. Aldrovanda) Bimë shumëvjeçare mishngrënëse, pa rrënjë, me 5-6 gjethe, me një lule të bardhë ose rozë të lehtë, që lulëzon dhe fruton në zona të ngrohta ndërsa në dimër zhytet në ujë e bie në gjumë dimëror. Aldrovanda fshikëlore (lat. Aldrovanda vesciculosa) aldrovanda e ujërave të ëmbla, të pastra, të cekëta e të ngrohta, pa rrënjë të vërtetë, me gjethe të gjata, të renditura në tetë rrathë rreth një kërcelli të shkurtër dhe të përbëra nga 5-9 fletëza, me lule të vogla, që noton në ujë dhe që ushqehet me kafshë të vogla, larva të reja, mushkonja dhe pleshta uji.

FRUTON

FRUT/ÓN vep., ~ÓI, ~ÚAR v. III Jep pemë. Kjo dardhë fruton shumë.

PJELL

PJELL vep., PÓLLA, PJÉLLË kal. dhe jokal. 1. vet. v. III Bën të voglin e saj të gjallë, kur ai ka arritur zhvillimin e plotë si qenie frymore (për kafshët gjitare). Polli lopa viç. Polli dhia një kec. Dosa polli tetë gica. Kanë pjellë delet. Polli para kohe. Mushka nuk pjell. Është shterpë, s’pjell. Bushtra që nxiton shumë, pjell këlyshë të verbër. (fj. u.). U mbars mali e polli një mi. (fj. u.).
2. bised. Bën fëmijë, lind (për gratë). Polli djalë (çupë).
3. vet. v. III Bën vezë (për shpendët dhe zogjtë). Pjell çdo ditë. E polli vezën.
4. bised., vet. v. III Lidh kokrra pema, bën fryt. Kanë pjellë shumë fiqtë sivjet. Paska pjellë kokrra lajthia.
5. fig., kryes. keq. Bëhet shkak për lindjen e diçkaje, zakonisht jo të mirë; shpik; sajon. Hiqen sikur punojnë, duke pjellë vetëm shkresa!
✱Sin.: bën, lind, prodhon, fruton.
♦ E di ku pjell *pula (dikush). Më polli (më ndezi, më gjeti) *belaja (me dikë). Kur të pjellin (të mbarsen) *demat. Më polli *djalli (dreqi) bised. Më polli *groshi (me dikë). Më polli në *gunë (me dikë) bised. I pjell edhe *kau (dikujt). I polli në *katua (dikujt). I pjell edhe *gjeli (këndesi, kaposhi, kokoshi) (dikujt). Kur të pjellë *këndesi (gjeli) iron. I pjell *koka (kryet) (dikujt). I pjell *mendja (dikujt). I polli *mushka (dikujt). I pjell edhe *mushka (dikujt). Kur të pjellë *mushka iron. I pjell *rradakja (dikujt) bised. Më polli *sherri (me dikë). I pjell *truri (dikujt). I pjell edhe *viçi (dikujt).

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë